Shillong, Naitung 06 : Ka Sorkar Jylla kala rai ba shen kan sa buh noh ia ka Climate Museum-cum-Centre ha Upper Shillong.
Haba pynbna ia kane hynne ka sngi Palei, u Myntri Rangbah Conrad K Sangma ula iathuh ha ki lad pathai khubor ba ia kane ka Centre yn sa pynieng hapoh ka jaka jong ka Tnad Forest kaba don markhap bad ka kshaid Elephant Falls.
“Kan dei ka Climante Museum-cum-Centre kaba ngim plan ha kaban pynlong kum ka jaka kaba ki samla pule ki lah ban wan bad ban lum jingtip bad khmih ia ki rukom bapher bapher jong ka jingkylla ka suin bneng kiba jia hapoh ka thain, ha ka Jylla, ha ka Ri bad kylleng ki Ri ka pyrthei” ula ong.
“Kan dei ka jaka kaba ngin ai jinghikai ia ki Khynnah bad ha kajuh ka por ban pynlong ia ki jingiasyllok. Kin don ki Conference Room, ki jaka bapher bapher ban sah khnang ban lah pynlong ia ki jingialang kiba heh” ula ong.
U Conrad ula iathuh ruh “Ngi la tyrwa ba man u snem kan don ka jingialang jong ka Regional Level ka thain Shatei Lam Mihngi ba ngin iakren man la u snem halor ki mat ba kongsan jong ka suinbneng bad kumno ki Jylla bapher bapher kin lah ban iatreilang”.
