Shillong, Lber 10 : Ka National People’s Party (NPP) ha West Jaintia Hills District ha ka sngi Saitjain, kala rai ban trei shitom kat kaba lah ban pynthikna ia ka jingjop jong ka kyrtong ka party Kong Ampareen Lyngdoh ha ka elekshon Lok Sabha 2024 na Shillong Parliamentary constituency.
Ia kane ka rai la shim ha ka jingialang kaba heh bha bala pynlong ha ka shnong Mookaiaw.
Ki nongialam ka party bad ki nongkitkam na ki shnong bapher bapher kiba hap hapoh ka Mookaiaw constituency kila iashimbynta ha kane ka jingialang.
“Ngi la iarai lang ban trei shitom ha kaban pynthikna ia ka jingjop ka kyrtong jong ngi” ong ki Nongialam ka party kiba laong ba ki paidbah ka constituency kiba kut jingmut shisha ban ai ka jingkyrshan ba pura ia ka party.
