Shillong Nailar 30: Ka iingkashari jong ka Special Judge (POCSO), East Khasi Hills, Shillong ka Kong M.K. Lyngdoh, kala rai pynrem da kaba phah set phatok 30 snem 6 bnai ia u Kamal Kumar Thapa halor ka jingdonkti ha ka kam khlem akor.
Ka iingkashari ka Kong MK Lyngdoh kala pynmih ia ka hukum ha ka 28 tarik mynta u bnai ha kaba kala rai pynrem ia u Kamal Kumar Thapa uba la shah pynngat hapoh ka Special POCSO C/No. 01 jong u snem 2014 kaba la ujor hapoh jong ka Rynjah PS Case No. 57(07)2013 U/S 5(1)/6 POCSO Act R/W Sec 328/365/366A/376 IPC.
U Superintendent of Police (SP) ka East Khasi Hills, ula pyntip ba ka iingkashari kala hukum ia u Kamal Kumar Thapa ban set phatok 20 snem bad ban siew ia ka jingdain kuna kaba T. 50,000 bad lada um siew ia kane ka kuna yn shah set sa 6 bnai kum ka jingpynshitom hapoh ka kyndon 6 jongka POCSO Act.
Nalor kane la hukum ruh ban set sa 5 snem bad ka dain kuna T.10,000 katkum ka jingpynshitom hapoh ka kyndon 328 jong ka IPC bad la hukum ban set sa 5 snem bad ka dain kuna T.10,000 kum ka jingpynshitom hapoh jong ka kyndon 366 A jong ka IPC.
Ia katei ka jingjia la tohkit da u Inspector O. Syiemlich uba trei mynta ha ka Anti Infiltration Directorate, Meghalaya, Shillong.
, East Khasi Hills, Shillong ka Kong M.K. Lyngdoh, kala rai pynrem da kaba phah set phatok 30 snem 6 bnai ia u Kamal Kumar Thapa halor ka jingdonkti ha ka kam khlem akor.){kind=link}