Shillong, Naitung 21 : Ka Hill State People’s Democratic Party (HSPDP) ha ka sngi Thohdieng, kala rai ban sa aiti noh shen ia ki jingai jingmut sha ka Sorkar Jylla, kaba dei bad ka jingshong bishar thymmai ia ka State Reservation Policy.
“Ngi la dep iakren sani bha ia kane ka ishu bad ngi la rai ban sa phah noh ia ki jingai jingmut jong ngi sah ka Sorkar Jylla” ong u Bah KP Pangniang, President ka HSPDP haba iakren bad ki nongthoh khubor hadien ba dep pyniaid ia ka jingialang jong ka CEC ka party.
Ula pyntip ruh ba ka party ka dang donkam ia shibun ki jingtip halor kane ka kam shuwa ban phah ia ki jingai jingmut.
U Bah Pangniang ula ong ba ka party ka pynpaw ia ka jingsngewnguh bad jingiaroh ia ka Sorkar halor ka jingpyntreikam ia ka Roster System nangne shakhmat kaba long kat kum ka jingai jingmut jong ka party ha ka jingialang jong baroh ki seng sain pyrthei ba long myn ha ka 29 tarik Jymmang.
“Ka Sorkar kala dep pynmih ruh ia ka Office Memorandum (OM) ba thymmai ha ka 14 tarik Jylliew, 2023 ba la pynkylla thymmai ia ka clause d jong ka OM, 2022 kat kum ka jingkwad bad jingai jingmut jong ka party jong ngi bad kiwei ki party lait noh ka VPP ka bym shym la wan ban iashimbynta ha kane ka jingialang” ula ong.
Ula ong ba ka Sorkar kala pynkylla ruh ia ka OM u snem 1974 ha ka 27 tarik Jylliew da kaba pynthikna ba baroh ki nong applai kam na shabar ka Jylla ki dei ki Garo, kin ym ioh bynta shuh ha ka bhah thungkam ka Jylla.
Pule ruh: Dep pynpra ka WKH jan 40 tylli ki karkhana coke ba treikam be-ain
 ha ka sngi Thohdieng, kala rai ban sa aiti noh shen ia ki jingai jingmut sha ka Sorkar Jylla, kaba dei bad ka jingshong bishar thymmai ia ka State Reservation Policy.){kind=link}