Shillong, Naitung 04 : Ka Hill State People’s Democratic Party (HSPDP) kala rai ban mih noh na ka Regional Democratic Alliance (RDA) hadien ka jingshah rem ha ka elekshon Lok Sabha ba dang shu dep.
Haba pyntip ia kane ha ka sngi Palei, u Nongialam ka UDP bad Myntri Sorkar Bah Paul Lyngdoh ula ong “Ki don shibun ki daw halor ka jingshah rem u kyrtong ka RDA, ta ka daw phi lah ban iohi ba wat ka HSPDP kala rai ban mih noh na ka RDA”.
Haba kylli, u Bah Paul ula ong “Hooid, ki (HSPDP) la pynpaw ia ka jingbym kwah shuh ban bteng ha kaban iadonlang bad ka RDA. Phi lah ban ong ba ngi lah ban sngew ba ka dei kaba bha ban iaid noh hala ka jong ka lynti namar ngim shym la kynjoh wat 5 percent na ka jingdon ki vote ha kane ka kynti…jin ba ngi iakhun kum ka UDP marwei, ngi lah ban tam ia kata”.
“Kane ka dei ka jingpynpaw na ka HSPDP hynrei ngi kwah ban iakynduh bad iakren iapynbeit ia kine kiei kiei baroh” ula bynrap.
Ka HSPDP bad ka UDP kila iapynieng lang ia u President barim ka HYC Robertjune Kharjahrin kum u kyrtong ka RDA ha ka elekshok Lok Sabha ba dang shu dep na Shillong parliamentary seat.
Hynrei dang shen, u President ka HSPDP Bah KP Pangniang ula pynpaw ba ka party kala rai ba kan mih iakhun noh la ka jong ha ka elekshon MDC jong ka KHADC bad JHADC.
 kala rai ban mih noh na ka Regional Democratic Alliance (RDA) hadien ka jingshah rem ha ka elekshon Lok Sabha ba dang shu dep.){kind=link}