Nongtoin, Nailur 10: Ki 21 tylli ki shnong ka West Khasi Hills, kila rai ban ‘boycott’ ne kyntait iashimbynta ha ka elekshon MDC ban wan jong ka Khasi Hills Autonomous District Council (KHADC) namar ka jingkynnoh shah rah jubor na kawei ka constituency sha kawei pat ha ka jingpynbeit constituency thymmai jong ka Council dang shen.
Kine ki 21 tylli ki shnong ki dei kiba hap ha ki lai tylli ki Polling Station ka Mawshynrut constituency, kiba kynthup ia ka Misei, Mawsmai bad Langdongdai Polling Station. Ia kine ki shnong la rah noh sha Rambrai-Jyrngam constituency.
Dang shen, kine ki Shnong kila thaw ia ka Joint Action Committee (JAC) ban pyrshah jur ia kane ka sienjam jong ka KHADC haba kynnoh ba ka dei ka jingpynkynriah jubor jong ka Delimitation Committee ba khlieh da u Bh S Kharsyiemlieh khlem ka jingmynjur u paidbah.
Ka sur ban ‘boycott’ ia ka elekshon kala mih na ka jingialang paidbah jong ka Joint Action Committee kaba long hynne ka sngi Ba-ar ha shnong Langdongdai.
“Ki 21 shnong kila rai ban nym iashimbynta ha ka elekshon MDC ban wan lad aka KHADC bad ka Selection Committee bala khlieh da u Bah PN Syiem kum Chairman, kam sngap ia ka sur jong ki 21 shnong” ong ki Nongialam ka JAC ha ka jingialang.
Kine ki Shnong kila buh ia ka jingdawa na u Chief Executive Member (CEM) ka KHADC Bah Pyniaid Sing Syiem bad DyCEM Bah PN Syiem ban ai noh iala ka jong ka constituency ia ki 21 shnong.
Ia kane ka rai jong ka JAC la kyrshan da baroh ki Dorbar Shnong, ki seng Longkmie, ki seng Samla bad ki Sengbhalang jong ka thain Nongtrai, kiba la byrngem ruh ban pynlong da ka jingiakhih lada ka KHADC ka pyniaid shakhmat ia ka jingpynkyn riah constituency.
Ha kane ka jingialang, ki paidbah kila ianoh synniang ruh da ka pisa sha ka Joint Action Committee ba kan nang pyntyllun shakhmat ia ki jingiakhih halor kane ka jingshah pynkynriah constituency.
 namar ka jingkynnoh shah rah jubor na kawei ka constituency sha kawei pat ha ka jingpynbeit constituency thymmai jong ka Council dang shen.){kind=link}