Guwahati, Jylliew 20 : Ha ka jingjia ba pynkyndit ia baroh, kawei ka Khynnah 16 snem kala shah rahbor bad shah leh beijot ha ki laingut ki runar hapoh ka kali ba iaid hynnin ka sngi Nyngkong katba ka dang wan phai sha Iing na skul.
Kane ka khynnah ka dei kaba dang pule klas 9 ha Goalpara, Assam, ong ki Pulit.
Kat kum ka khubor, kane ka jingrahbor kala jia ha ka por ba kane ka Khynnah ka dang iaid lynti na skul shala iing ha k aba ki runar kila shu patan jubor ia ka shapoh ka kali najan ka Iingsah jong ka hi.
Ka khubor ka iathuh ba kine ki runar kila don lai ngut, kila leh beijot ia kane ka khynnah hapoh ka kali kaba iaid bad hadien kila leit ban bret ia ka hapoh kawei ka Lum Jingtei ha Forest gate, ha ka por 3 baje janmiet.
Kane ka Khynnah hadien ba ka kyndit bynriew, kala leit phai shala iing bad haba iohi ia ka jinglong jingman ka Khun, ki Kmie Kpa kila kit bak bak ia ka sha Emergency Ward ka Civil Hospital ban phah khmih ha ki doktor.
Hadien, ki bahaiing kila leit ujor da ka ejahar pyrshah ia kine ki runar ha kaba kila jer kyrteng ia arngut napdeng kine ki runar katba ia uwei pat ym shym la lah ban ithuh satia.
Kumjuh ruh, ki Kmie Kpa jong kane ka Khynnah kila pyntip ba kine ki arngut ki runar ki dei kiba na kajuh ka thain bad la tip kyrteng ia ki da u Alimuddin bad u Phoonchand.
Kane ka Khynnah kala batai hakhmat ki Pulit ba kala shah patan jubor shapoh kali bad shah pynbuaid hashuwa ba kan shah leh beijot hapoh ka kali.
Ha ka met jong kane ka Khynnah la lap ruh ia ki dak khlong tyrsim kaba pyni shai ia ka jingshah leh donbor kane ka Khynnah.
Ki Pulit ka Goalpara kia pyntip ba ka jingtohkit kala sdang shaid shadi mynta bad ka jingtwet ia kine ki runar kala iaid shakhmat.
