Shillong, Lber 06: Ka Jaiñtia National Council (JNC) hynne ka sngi Balang kala pynlong jingïakhih da kaba rally rah lama iong ha Khliehriat, East Jaiñtia Hills kum shi bynta ban pyrshah iaka jingtyrwa ban pynpoi lynti Rel hapoh ka District.
Ïa kane ka rally bala pynlong daka JNC, la wan ai jingkyrshan da kiwei pat ki sengbhalang na Rilum Jaintia ba kynthup ka FKJGP, MPUF, bad kiwei kiwei.
Ki dkhot kiba shim bynta ha kane ka Black Flag Rally ki la rah da ki banner bad ki lama iong bad pyrta pyrshah ïa ka projek lynti Rel haba dawa ruh ba haka jaka jong ka lynti Rel, ka Sorkar ka dei ban pynbha shwa iaki College, ki surok bad ki jaka sumar.
Ki nongiaid rallu kila bthah ia ki trai dukan bym dei trai Jylla ba kin khang iala ki dukan kat bym pat kut ka jingïalang jong ki.
Iaka Black Flag Rall la pynkut ha phyllaw ka ophis treikam u Deputy Commissioner (DC) ha kaba ki dkhot sengbhalang kila pynlong ia ka jingialang paidbah.
Haka jingïalang paidbah, ki nongialam sengbhalang kila dawa naka Sorkar Jylla ba kan pynsangeh noh ia ki jingthmu wanrah ia ki lynti Rel sha East Jaiñtia Hills daka ba kynnoh ba kane kan wanrah pynban iaka jingwan buhai shnong ki bar Jylla ka ban ai jingmyntoi tang iaki karkhana dewbilat kiba don hapoh thain.
Ki nongkren ki la buh jingkylli ia ka jingthmu jong ka Projek Rel kum ka jingthmu ban kit iaki mar mata katba ia ki jingdonkam ba kongsan kum ka pule puthi bad ka koit ka khiah la shu iehnoh khlem da phaikhmat.
Ki sengbhalang kla byrngem ruh ba lada ka Sorkar ka iaid shakhmat ban rah lynti Rel, ka Srokar ka hap bah khlieh lada mih kano kano ka jingjia namar ki nongïalam sengbhalang kim salai ban shah set phatok na ka bynta kane ka daw.
 hynne ka sngi Balang kala pynlong jingïakhih da kaba rally rah lama iong ha Khliehriat, East Jaiñtia Hills kum shi bynta ban pyrshah iaka jingtyrwa ban pynpoi lynti Rel hapoh ka District.){kind=link}