Shillong, Iaiong 19 : Ki thei ialehkai ka St Anthony’s College ki la ioh ban rah ia ka nam kum ki lahduh ha ka lympung ialehkai Seng Khasi College Invitaional Baketball (Girl’s) Competition, ba la pynlong ia ka da ka Seng Khasi College, kaba long kum shi bynta jong kawei na ki prokram ban rakhe ia ka Jubili Ksiar ka kolej.
Ha ka phainal ba la long hynne ka sngi Balang ha madan ialehkai basketball jong kane ka kolej ba don ha Weiking, Jaiaw, ki thei ialehkai jong ka St Anthony’s ki la lah ban pynliem ia ki khynnah jong ka Seng Khasi College da 36-13.
Ha kane ka kynti la don haduh 7 tylli ki kolej, kiba la wan ban iashim bynta sha kane ka jingialehkai kaba lai sngi ba la sdang naduh ka 17 tarik.
Ia kane ka lympung la pynhap pyrda da u General Secretary ka Seng Khasi Kmie Rgh Haines Marbaniang kum u Kongsan ha ka jingiadonlang u Rgh B.S Rumnong ba dei u President ka Gorvening Body ka Seng Khasi Ciollege, nangta u Principal u bah W. B Rynjah, ki nonghikai lem bad ki khynnah pule jong ka Seng Khasi College.
La pynkut ia kane ka lympung da ka jingsam ia ki Medal bad Trophy sha baroh artylli ki team da u kongsan bad kumjuh da u President ka Governing Body.
