spot_img

Pyrshah ka MPUF ba rai siew tulop ka Sorkar ia ki nongtrei District Council

Date:

Share post:

Jowai, Nailur 01 : Ka seng Meghalaya People’s United Front (MPUF) kala rai ban pyrshah jur ia ka jingthmu jong ka Sorkar Jylla ban iarap siew hi noh ia ka tulop jong ki nongtrei ki lai tylli ki Autonomous District Counci (ADC) ka Jylla, ka ban sdang treikam naduh ka 1 tarik Naiwieng.

Ia kane ka rai la shim ha ka jingialang jong ka Central Executive Committee (CEC) ba long ha ka sngi Nyngkong.

Ka MPUF kala ing ba ka jingpynbor ia ki lai tylli ki ADC ba kynthup ia ka JHADC, KHADC bad GHADC ka dei ka bym lah satia ban pdiang.

U President Dapoiwanmi Laloo ula buh jingkylli la ka ka pisa na ka bynta ka tulop ki nongtrei ka dei kaba la pynrung ha ka mang tyngka ka Jylla.

Ula kyntu ia ka Sorkar ban nang pynkhlain ia ki District Council kat kum ki kyndon jong ka Sixth Schedule ka Riti Synshar ka Ri khnang ba ki Council kin lah ban treikam bha bad siew hi dalade ia ka tulop ki nongtrei.

Ula buh jingkylli ruh la kane ka sien jam jong ka Sorkar ka don jingiadei eiei bad ka elekshon Municipal ki ban sa pynlong ha ri-lum Jaintia.

Ula pynpaw ba kane ka rai jong ka Sorkar kan nang pyntlot ia ki District Council ha Jylla bad kyntu ia ki lai tylli ki ADC ba kin pyrshah ia kane ka jingtyrwa jong ka Sorkar Jylla.

Nalor kane, ula kdew ruh ba kat kum ka Article 243 bad 244 jong ka Riti Synshar, la kren shai ia ka bor bad ka jingtreikam jong ki District Council ha kaba la kdew shai ba ki Municipal kin ym treikam ha ki jaka bala ai jingiada.

Share post:

spot_img
spot_img

Popular

More like this
Related

MoRTH | Kiew haduh 3.7% ki jingjia aksiden ba iap briew ha Meghalaya ha u 2023

Shillong, Nailur 1: Ka jylla Meghalaya kala sakhi ia...

Leit iakhih ka BJP hakhmat ka Congress Bhavan | Thnem puk ka jingiahylla slogon mar pyrshah

Shillong, Nailur 01: Ka jingia hylla slogan mar pyrshah...

Rakhe ka USTM ia u nongialam bym lah ban klet ka NE – PA Sangma ha ka jingdap 78 snem

Shillong Nailur 01: Ka University of Science and Technology...

Thaw histori ka samla Phoebe Nongrum haka Dakshin Dare Cross Country Rally

Shillong Nailur 01: Ka samla ka jylla Meghalaya Phoebe...