Aizawl, Rymphang 14 : Ka dorbar kaba phra jong ka Mizoram State Legislative Assembly kaba dang iaid shakhmat mynta ka sngi ka la shim ia ka rai ban pyrshah ia ka ain ‘Uniform Civil Code’ kaba don hapdeng ka kynrum kynram.
Ha ka jingshim rai ka Mizoram Legislative Assembly ka la pynbna halor ka jingpyrshah halor kino kino ki sienjam ia kiba yn shim ne tyrwa na ka bynta ban pyntreikam ia ka ain ‘Uniform Civil Code’ ha India.
Kane ka jingshim rai jong ka sorkar ha kaba iadei bad ka UCC ka dei kaba la wanrah da u Myntri kam pohiing, u Pu Lalchamliana.
U MLA ba marwei ka BJP ha Mizoram u Dr. BD Chakma u la ong ba um lah ban ong hooid ne em haduh shwa ban da pynlong ia ka jingwad bniah.Ha ka jingpynpaw ka jong u, u la ong ba kane ka jingshim rai ka dang long kloi palat hashwa ban wanrah sha ka jingiatai hapoh ka iingdorbar assembly ka jylla.
