Shillong, Nailar 03: Ka Khasi Student Union (KSU) Laban Circle hynne ka sngi Palei, kala leit buh daka dorkhas ha u Principal CCF & HOFF ka tnat Forest & Environment ka sorkar jylla bah R. S. Gill, ba dawa weng noh mardor iaki briew kiba sah beain ha Mahadev Khola.
Haba kren sha ki lad pathai khubor, u President ka KSU Laban circle samla Ruben Najiar ula iathuh ba ka seng naduh 15 tarik Naitung kala dep buh daka dorkhas haba iadei bad ka jingdon kiba sah beain bad ka jingdon ki jingtei beain ha Mahadev Khola.
U samla Ruben ula iathuh ba haka jingshisha ka tnat Forest kala leit ban jurip ia ka Mahadev Khola hynrei ki briew kiba sah ha kane ka jaka kila applai ban pynkylla ia kane ka jaka kum ka jaka sah bad ban shna kum ki Guest House bad kiwei kiwei ki jingtei ban pyndonkam ma ki.
“Halor kane, ka seng ka pyrshah jur namar kine ki briew kidei kiba sah beain bad kim donhok ban applai naka tnat Forest ban pynkylla iaka Mahadev Khola kum ka jaka sah ei jong ki bad dei namar kane ka KSU ka wan kynduh ia u Principal CCF & HOFF ka tnat Forest & Environment ban dawa ba ka tnat kam dei ban pdiang iaka jingkwah kine ki briew ban pynkylla jaka sah ha kane ka jaka” la ong u samla Ruben.
U samla Ruben ula ong ba lada kine kiba sah beain ki ioh jaka sah ha Mahadev Khola shen kin sa kam ruh ba kidei ki trai ri trai muluk bad kan ai mynsiem ruh ia kiwei ki bar jylla ban wan kam trai ia kane ka jaka
“Lada ka tnat Forest ka kloi shisha ban ai jaka ia ki bar jylla ba kiwei kiwei ki jylla kadei ruh ban kloi ban ai jaka iaki Khasi bad lada ka tnat forest ka pynslem ban weng iaki ba sah beain na kane ka jaka naka liang ka KSU kan shim da ki sienjam jong la jong” ula ong.
Pule ruh: Shah pynkieng juti u Khynnah skul klas 6 tang bym kren phareng, phah tohkit ka Sorkar
 Laban Circle hynne ka sngi Palei, kala leit buh daka dorkhas ha u Principal CCF & HOFF ka tnat Forest & Environment ka sorkar jylla bah R. S. Gill, ba dawa weng noh mardor iaki briew kiba sah beain ha Mahadev Khola.){kind=link}