Pyrshah ka KHNAM ia ki kyndon ba buh ka sorkar ia ki dukan die doh

Date:

Share post:

Shillong Nailar 09: Ka Khun Hynniewtrep National Awakening Movement State Youth Wing kala pynpaw iaka jingpyrshah jur ia ki jingbuh kyndon jong ka sorkar jylla ia ki dukan die doh sniang bad doh Masi, kiba don ha shilynter ka thain upper Shillong.

Katkum ka kyrwoh na u President ka KHNAM-SYW u Bah Thomas Passah ula pynpaw ba ka Commissioner of Food Safety kala bthah ia ki dukan die doh ban ai rong, ban ker da ka iit ia ka doh, ban phong ki jain ba khuid.

“Kine kidei kiba donkam ym tang ha ki dukan jong ka thain Upper Shillong hynrei ha baroh kawei ka jylla, bad kane kadei ruh ka kamram jong ka Food and Safety Department ban peit na ka bynta ka koit ka khiah jong u paidbah” ula ong.

Hynrei ula pynpaw pat ba kaba sngew phylla ka long ba ka tnat kala bthah ruh ia ki dukan ban ai rong saw ia kiba die doh masi bad rong lieh ia ki ba die doh sniang, bad kaba kham sngewphylla shuh shuh ka long ba la bthah ban burieh ia ka doh lyngba ka iit iong khnang ba ki nongjngohkai kin ym iohi.

U Bah Passah ula ong, ka seng ka kwah ban kren shai ba kane kam dei ka kamram jong ka Food and Safety, hynrei kine ki kyndon phylla ki kdew shai ba ka sorkar jylla kala ioh ia ka jingbthah na ka Sorkar Pdeng ban burieh ia ki doh kiba ki riewlum ki bam naduh kulong kumah tang naka bynta ka burom jong ki bar jylla ki bym bam doh sniang lane doh masi.

Ula ong, ki nongjngohkai kiba wan kai sha ka jylla kim don hok ban tuklar kaei iaka jingdie lane iaka jingbam doh bad lada kim sngewtynnad kan bha ia ki ban ym wan sha kane ka jylla.

” Ka jingphah ai rong saw ia ki dukan die doh Masi, rong lieh ia ki dukan die doh sniang bad ban burieh iaki da ki iit iong ka long ka jingkhein poh iaki riewlum bad ka sorkar kadei ban weng mardor kum ia kine ki kyndon” ula dawa.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...