Nongstoin, Jylliew 11 : Ka Hynniewtrep Youth Council (HYC)-Nongstoin Circle ha ka sngi Balang, kala bat bad pynphai ia lai tylli ki trok ba wan kit tynrai dieng na Assam ban thung ha ka thain West Khasi Hills-kaba dei na ka Meghalaya Regeneration Project-ka project ban pynrben khlaw biang ha Jylla.
Kane ka Seng hapoh ka jingialam u President ka HYC-WKH Lumlang Kharsyiem bad u Vice President Olivertwist Marngar, ka la pynphai ia kine ki kali halor ka nongrim ba kim don satia ia ki kot ki sla kiba biang.
U samla Lumlang ula iathuh ba kine ki trok kim don satia ia ka Trading Licence na KHADC, NoC na ka Tnad Forest, kano kano ka Challan ne Invoice, ka certificate photy sentisitization ne ka syrnot ban test la ki jingthung ki don jingpang ne em nabar ki dei kiab wanrah na shabar ka Jylla.
Ula ong ruh, kawei pat ka nongrim ka long ba kane ka project ka dei ka project ha Meghalaya hynrei balei ka pynmyntoi ia kiwei pat ki Jylla (Assam).
U iathuh ba ha ka jingwad bniah, ka Seng kala iakynduh ia ki trai jaka ba shah ban thung ia kine ki dieng, kiba la iathuh ba bun na kine ki dieng ba wanrah na Assam kim ju im slem bad bun ki iap noh katba ynda thung da ki tynrai dieng na Jylla ki met bad san bha.
Ula ong ba ka Seng kan ym ailad ia ka jingwan rah ia ki tynrai dieng na shabar Jylla ha West Khasi Hills bad kwah ruh ba kane ka project ka dei ban wanrah ia ka jingmyntoi ha ka Jylla ym ban kyntiew ia ki briew kiba dei na kiwei ki Jylla.
-Nongstoin Circle ha ka sngi Balang, kala bat bad pynphai ia lai tylli ki trok ba wan kit tynrai dieng na Assam ban thung ha ka thain West Khasi Hills-kaba dei na ka Meghalaya Regeneration Project-ka project ban pynrben khlaw biang ha Jylla){kind=link}