Shillong, Nohprah 13: Ka Achik Conscious Holistically Integrated Krima (ACHIK) ka la pyrshah jur ia ka jingdawa ban thaw ia ka Minority Regional Council ha ri-lum Garo.
Ka ACHIK kala kynnoh ba kane ka dei ka jingthmu ban phiah ia ka thain bad ka long pyrshah ia ka riti synshar ka ri, bad ka buh jingma ia ka hok tynrai bad ka riti synshar jong ki trai ri trai muluk ki jaidbynriew Achik.
Ha ka kyrwoh ka ACHIK ka shim ïa kane ka jingdawa thaw Council kum ka jingpyrshah ïa ka khyrnit ba hynriew jong ka riti synshar ka ri India, kaba ai jing ithuh ïa ka jingsynshar hi dalade jong ki riewlum ha Garo Hills.
“Kano kano ka jingpyrshang ban phiah bad thaw Minority Regional Council kam dei tang kaba ym lah ban pdiang hynrei ka long ruh ka jingpyrshah ia ka jingthmu jong ka khyrnit ba hynriew” ong ka kyrwoh.
Haba pyrshah iaka jingdawa ki katto katne ngut kiba dei jong kawei ka kynhun, ka ACHIK kala kynnoh ba ka jingdawa kadei tang ka buit ioh nong ha ka sain pyrthei, kiba la thmu ban pynmih ia ki jingiapher jaidbynriew bad ban pynpra ia ka jingiatylli ha ka imlang sahlang.
“Ngin pyrshah jur ia kano kano ka jingleh politics kaba thmu ban pynduh ia ka hok jong ki trai ri trai muluk ne ban pynduna ia ka bor jong ka Garo Hills Autonomous District Council (GHADC)” kala ong.
Ka ACHIK ka la kyrpad ia ka jaidbynriew Achik, ki sengbhalang, bad ki nongialam shnong ban long kiba husiar bad iatylli pyrshah ia ki buit kiban pynpait pynpra bad ban pynthikna ia ka jinglong iatylli, ka jingsuk bad ban iada ia ki hok jong ki trai ri trai muluk ha ri-lum Garo.
 ka la pyrshah jur ia ka jingdawa ban thaw ia ka Minority Regional Council ha ri-lum Garo.Ka ACHIK kala kynnoh ba kane ka dei ka jingthmu ban phiah ia ka thain bad ka long pyrshah ia ka riti synshar ka ri, bad ka buh jingma ia ka hok tynrai bad ka riti synshar jong ki trai ri trai muluk ki jaidbynriew Achik.){kind=link}