Pyrshah jur ki paid Garo ba thmu klob lang ka Sorkar Assam ia ki skul Garo

Date:

Share post:

Tura, Nailar 07: Baroh ki Sengbhalang ba hehpaid ka Jylla Assam, kila rai ban iapyrshah jur ia ka jingtyrwa jong ka Sorkar Jylla ban klob lang noh ia baroh ki skul Garo Medium LP bad ME School bad kiwei ki skul ba don ha Assam.

Kine ki Sengbhalang kila pyrshah ia kane halor ka nongrim ba kane ka jingleh ka Sorkar Assam kan sa ktah jur ia ki paid Garo jong ka Assam kiba shaniah tylli mynta ha kine ki skul ban hikai iala ki khun ki Kti ba kin kren bad pynneh iala ka jong ka ktien ka thylliej.

Ia kane ka rai la shim da ki Kynhun Sengbhalang ka Assam kiba la iakynduh ha ka sngi thohdieng bala dep ha Dudhnoi, Goalpara District. Kine ki Sengbalang kila iatai sani ia ia kane ka mat kaba ktah jur ia ki paid Garo kiba sah ha Assam.

“Ka Policy ban klob lang bad pynkynriah ia baroh ki skul Garo Medium School ka dei ka bym lah satia ban pdiang da ki paid Garo ka Assam bad ngi la rai ban pyrshah bad dawa ia ka Sorkar b aka dei ban pynsangeh mardor bad ieh kumba ka long mynta” ong ka kyrwoh bala iasoi lang da kine ki sengbhalang bala lamkhmat da ka Garo Students Union ka Assam.

Kine ki Sengbhalang kila khein ba kane ka sienjam jong ka Sorkar Assam ka dei tang ka policy ban pynduh jait ia ki skul Garo Medium bad ia ka kam nonghikai Garo ha ki skul ka Assam.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...