Shillong, Nailar 04: Ka Dorbar Shnong Lawsohtun ha ka sngi Thohdieng kala buh dorkhas hakhmat ka Deputy Commissioner (DC) ka East Khasi Hills ba dawa ban buh daki kyndon ba pyrkhing iaki Bar Jylla ban klun jaka ha Mahadev Khola.
Haba kren sha lad pathai khubor u rangbah shnong ka Lawsohtun u bah Harrybirth Rynjah ula iathuh ba haka jingiakynduh bad ka DC, ka Dorbar Shnong kala pyntip ba ka Mahadev Khola kam hap shuh haka Lawsohtun bad ka hap haka jingpeit jong ka tnat khlaw hynrei ki nong shong shnong ki hap ban iaid lyngba kane ka jaka ban rung sha shnong.
U bah Harrybirth ula iathuh ba ka Mahadev Khola ka don shabar jong ka wah Umjasai bad ka long kaba donkam bha ban pyrkhing iaka jingwan buhai shnong bad ka jingtei iaki jait jingtei beain ban lait naka jingpynjakhlia iaka wah ne iaka khlaw.
Ula ong ruh baka Dorbar Shnong ka pyrshah jur iaka jingkwah ki nongpyniaid iaka Mahadev Khola ban pynkylla jaka sah briew ha kane ka jaka namar katkum ka jingiateh ha ki snem bala dep, la ai haMahadev Khola tang ban tei iaka Mandir ym ban pynlong jaka sah briew.
Haba kylli, u rangbah Shnong ka Lawsohtun ula iathuh ba na ka liang ka DC kala kular ban shim khia ia katei ka mat bad shen kan sa don ka Joint Committee ban pynbeit ia kane ka kam bad kala ong ba lada ki donkam ban khot ia ka dorbar shnong.
Pule lang ia kane:Â Assam: Dawa u MLA barim ka BJP ban khein be-ain ia ka jingleh Azaan ha ki Mosque
Peit lang ia kane
