Shillong, Naitung 07: Ka Khasi Students Union (KSU) hynne ka sngi Thohdieng, kala pynpaw ia ka jingpyrshah kaba jur halor ka jingthmu jong ka Sorkar ban wanrah ia ka lynti rel ha Khliehriat, East Jaintia Hills bad ong ba ka dei “ka atiar ban wanrung kyrthep ki mynder”.
Ha ka dorkhas bala aiti sha ki bor District, ka KSU-East Jaintia Hills kala iengskhem ha ka nongrim ba kin ym pdiang ia ka lynti rel katba ka Sorkar India kam pat wanrah ia ka ain kaba khlain ban tehlakam ia ka jingrung kyrthep ki bar Jylla sha Jylla.
Kane kala mih tang hadien shisngi ba u Myntri Rangbah ka Jylla Conrad K Saangma ula pynbna ia ka rai jong ka Sorkar ban pynlong ia ka jingwad bniah ha kaban wanrah ia ka lynti rel ha Khliehriat, kaba dei ka District Headquarter ka East Jaintia Hills.
“Ka KSU kala dawa ia ka ain kaba khlain ban iada ia ka snap kyrteng kum ka Jaidbynriew. Ka seng ka sngew ba katba kam pat don ka ain kaba khlain ban iada ia ka hok ki paradoh parasnam jong ki, ka jingkylli ban wan ka project lynti rel sha ka Jylla kam pat mih satia” ong u samla Streamly N Suchen, President ka KSU ha ka dorkhas.
“Ka Seng kala shim ia ka nongrim kaba skhem halor kane ka kam naduh u snem 1988 bad ka iai ban biang ba kam pdiang satia ia ka project katba kam pat don ka ain ka ban tehlakam ia ka jingrung kyrthep ki briew na shabar ka Jylla bad na ki Rib a marjan kumka Bangladesh” ula bynrap.
U samla Streamly ula ong ba ia kane ka project la pynsangeh ha u snem 2016 ha ka por ba ka NFR ka dang sdang pyntrei ia ka project Tetelia-Byrnihat Railway line, kaba long ruh hadien ka jingieng pyrshah jong ka seng bad kiwei kiwei ki kynhun.
Pule ruh: Kulmar thlim ka Iingdorbar ha Tripura, sospon u Lamphang ia 5 ngut ki MLA ka Liang Pyrshah
 hynne ka sngi Thohdieng, kala pynpaw ia ka jingpyrshah kaba jur halor ka jingthmu jong ka Sorkar ban wanrah ia ka lynti rel ha Khliehriat, East Jaintia Hills bad ong ba ka dei “ka atiar ban wanrung kyrthep ki mynder”.){kind=link}