Shillong, Nohprah 06 : Ka Iingkashari Meghalaya High Court ha ka sngi Thohdieng, kala pynwai noh ia ka mukotduma (PIL) hadien ba ka jinglong jingman ha North Eastern Hill University (NEHU) kala nang poi sha kaba jai jai.
Haba pynmih ia ka hukum, ka Iingkashari ba kynthup ia u Chief Justice IP Mukerji bad Justice B Bhattacharjee kala ong “Kane ka Iingkashari kala shimkhia ia ka jinglong jingman ha NEHU kaba la wanrah da u Advocate P Yobin. Mynta ka sngi, ula pyntip ba ka jinglong jingman hapoh kane ka skulbah kala nang wan phai sha ka jingjai jai. Ia ka eksam bala buh ban pynlong ruh la dep ban pynjlan. Ka jingshim klas ruh kala sdang”.
Ka ong ba ka Enguiry Committee bala thung da ka Ministry of Education, Department of Higher Education, New Delhi, ka dang tohkit ia kane ka kam hashuwa ban ioh jingbit ia ka jingpynjlan por ban aiti ia ka kaiphod da ka Sorkar Pdeng.
Iaka jingshisha la pynthikna da u K Khan, AAG ba mihkhmat ia ka Jylla, u Nongiasaid ain S Sen uba mihkhmat ia ka NEHU bad u K Gurung uba mihkhmat ia ka Sorkar India.
 hadien ba ka jinglong jingman ha North Eastern Hill University (NEHU) kala nang poi sha kaba jai jai.){kind=link}