Shillong, Nailar12: Ki pulit ka North Garo Hills kila pynjur ia ka jingiakhun pyrshah ia ka jingdih sikret bad ka jingdie be-ain ia une u duma ha ki jaka paidbah bad ki lah ai haduh 1,545 tylli ki challan bad ioh lum kuna kaba kot T.1.52 lak ha kine ki 2 snem kiba la dep kat kum ka Cigarettes and Other Tobacco Products Act (COTPA), 2003.
Kane ka jingpyrshang kala pynlong ia ka NGH kum kawei na ki district jong ka jylla kaba la lah ban pyntreikam pura ia ka jingpyrkhing ia u duma. Kane ka jingleh ka long ban tehlakam ia ka jingdih duma ha ki jaka paidbah bad ka jingdie ia ki duma bad sikret ha ki jaka kiba don hajan ki jaka pule, bad ka shnat kaba la treikam bha – ka Wageasi OGC – kala ai 259 tylli ki challan bad ioh T.30,050 kum ka jingdain kuna.
Ka Mendipathar WPS kala ai 231 tylli challan bad lum ia ka jingdain kuna kaba T.17,200
– Ka Mendipathar PS kala ai 218 tylli ki challan bad dain kuna T.31,600
– Ka Rari OGC kala ai 198 tylli ki challan bad iohlum na ka jingdain kuna kaba T.19,750 .
U Superintendent of Police, North Garo Hills, ula iaroh ia ka jingtrei shitom jong ki ophisar ha kylleng ki Police Station.
“Ka mishon ka jong ngi kam dei tang ban peit ia ka ain hynrei ban iada ia ka jingim briew. Man la ki challan ka pyni ia ka sienjam kaba ngi shim ban pynlong ia ka district kaba shngain bad kaba koit ba khiah.
Ia kane ka campaign la kyrshan da ka National Tobacco Control Programme (NTCP) hapoh jongka Health & Family Welfare Department, NHM Meghalaya, lyngba ka jingai jingpynsngewthuh paidbah bad ki prokram ha ki skul.
Ka Dr. Nabneeta D. Mawrie, State Nodal Officer ka NTCP Meghalaya, kala iaroh ia ka kam kaba la leh da ki pulit.
“U duma udei uba lam sha ka jingioh ia ka jingpang cancer bad ka jingkhlad kloi. Ka jinglah ban treikam bha ka North Garo Hills kala long ka nuksa ia kiwei pat ki district.”
Ki nongialam shnong kila pynpaw ruh ia ka jingai jingkyrshan ha kaba uwei na ki nongdie dukan ha Resubelpara ula ong “Ngi iohi khyndiat ngut bha ki briew kiba dih sikret ha ki iew mynta. Ka long kaba bha na ka bynta ka koit ka khiah ki khynnah”.
, 2003.){kind=link}