Shillong, Jymmang 27 : Ka Kynhun Myntri ka Sorkar Jylla kala ai jingmynjur ia ka One-Time Settlement Scheme da kaba map noh haduh 90% ka kuna ba pynsahteng jong ka fitness certificate kaba kot haduh T.900 klur, bala pynsahteng da ki nongniah trok la palat 20 snem.
“Ka Kynhun Myntri kala mynjur ban pyntreikam ia ka OTS ban map noh bad pynduna ia ki kuna ba iadei bad ka Motor Vehicle Tax, Passenger and Goods Tax bad kun aka Fitness certificate ” ong u Conrad hadien ba dep pyniaid ia ka jingialang.
“Ka jingisew jong ka fitness certificate ka longkumba T.1200 ha ka shisnem, ka kuna ba ym don ia ka certificate ka long T.50 shisngi, kaba mut lada phim pynthymmai ia ki, phi hap ban siew ia kumba T.18,000 tang ka kuna kaba lang” ula ong.
U Conrad ula ong ba ka kuna kaba la lah baroh ka long kaba la bun bah.
“Kumta, ha ka jingkhein jong ngi, ngi lah an iohi ba lada phi khein tang ki kuna suda, khamtam haba phai sha ka kuno ba ym don ia ka fitness certificate, ka pisa kaba ngi khein na ka bynta baroh ki trok bad kali, ka pisa kaba mih tang na ka kuna marwei ka kot kumba T.900 klur” ula ong.
“Kane ka dei tang ka jingkhein kyllum bad kumjuh lada phi peit sha ka jingkhein jong ka MV Tax ka long T.21 klur bad lada phi peit ia ka jingkhein jong ka Goods and Passenger tax ka long kumba T. 5 klur bad kumba nga ong ba lada phi khein tang ia ki kuna kala kot ia kumba T.900 klur” ula bynrap.
Haba shim ia kane ka kuna kum ka bym iahap shuh, ula ong “Kumta, watla ka jingsiew ka long kaba rit, ka kuna ka long kaei kaei kaba ngi sngew ba kam iahap shuh, nga dei ban ong ba kato ka pisa ka dei kaba la buh da ka Sorkar India” ula ong.
Ban pynsting ia ka jingkit ba khia jong ki nongniah kali kit mar, ka Sorkar kala rai ia ka jingmap noh kaba bun bah.
Kane ka jingmap ka long 90% ka kuna na ka bynta fitness certificates ba pynsahteng, 80% ia ka MV Tax bad Goods & Passenger Tax ba pynsahteng.
Kane ka One-Time Settlementskhim kan treikam tad haduh ka 31 tarik Nailar 2026 bad ka thmu ban iarap ia ki nongniah kali kit mar ba kin ioh biang ia ka jingkamai kaba rim, pynduna ia ka jingkit ba khia ha ka liang ka pisa tyngka, bad pynthikna ia ka jingbud ryntih ba kham bha nangne shakhmat.
La kyntu ia baroh ki nongniah kali kit mar bad ki trai kali ba ki shim kabu ia kane ka lad ban siew khuid noh ia baroh ki jingsiew kiba pynsahteng.
Sangma stressed that most affected were local citizens. “Almost you can say, 100% of these truck owners’ drivers are all local people. They are all our own citizens and therefore, if you not able to find a solution to this, it will lead to a huge loss in terms of livelihood and financial stress for our own people,” he said.
