Shillong, Lber 22 : U Myntri ka Tnad Pule Puthi Rakkam A Sangma hynne ka sngi Balang ula pyntip ha Iingdorbar ba ka jingshna ia kawei ka Residential School kala dep haduh mynta.
Haba jubab haka kynta kylli jingkylli, u Sangma ula pyntip ba 18 tylli ki residential school ki dei kiba dang sah bad bym pat pyndep satia.
Kine ki kynthup ia lai tylli ha West Jaintia Hills – Sabahmuswang residential school (Thadlaskein), Shangpung residential school (Laskein) bad Pdengshakap (Amlarem).
Artylli ha East Jaintia Hills – Jalaphet residential school (Saipung)badd Byndihati residential school (Khliehriat).
Lai tylli ha West Garo Hills – Raja Raonggat residential school (Chokpot), Edenbari ABDK residential school (Rongram) bad Chitchakgre residential school (Gambegre).
Artylli ha East Garo Hills – Insambal residential school (Kharkutta) bad Nongchram Demik residential school (Rongjeng). Kawei ha South Garo Hills – Kapasipara residential school (Gasuapara).
Artylli ha East Khasi Hills – Mawsmai Nongthymmai residential school (Shella Bholaganj) bad Lawbah residential school (Mawsynram). Kawei ha South West Khasi Hills – Shnongkalong residential school (Ranikor).
Artylli ha West Khasi Hills – Lawbyrtun residential school (Mawthadraishan) bad Riangkhain residential school (Mawshynrut) bad lai tylli ha Ri Bhoi – Umjan Mawtari residential school (Umsning), Nongrim Synjai residential school (Umling) bad ka Jirang residential school (Jirang).
Pule lang ia kane: Bluit mih ka Vision Document ka VPP da ka Hindi – “Ym sngewthuh Hindi hynrei thoh bad pule te nang”
