-->

Pyntip u MP ban lum ka MoE ia ka Executive Council ka NEHU ha Delhi

Date:

Share post:

Shillong Jymmang 26: Ka jingialang jong ka Executive Council (EC) ka North Eastern Hill University (NEHU) kan long ha ka 30 tarik u Jymmang.

Ia kane la iathuh da u MP ka Rajya Sabha u Dr WR Kharlukhi uba la ong, “Nga dang shu wan na ka jingialang ha NEHU. Nga tharai ba ka sorkar kala dep ban iakren bad kin sa pynlong ia ka jingialang jong ka Executive Council ha ka 30 tarik u Jymmang ha Delhi”.

Ula ong, ba ia ka jingialang ka EC yn pynlong ha Delhi ban iakren halor ka kynrum kynram kaba la mad da ka skulbah.

U Dr Kharlukhi ula ong ruh ba ka jinglong jingman ha NEHU ka la sdang ban wanphai biang sha ka jinglong kaba bit ba biang naduh ba ka Prof Sherwin M Sugnoh kala shimti kum ka Acting Vice Chancellor.

“Da ka jingshimti jong ka Vice Chancellor, mynta kala sdang ban biang bha. Mynne ngi lah don ia ka jingialang ha kaba la donlang ki nonghikai bad ki samla pule. Ka lah nang bha bad kala sdang ban long biang kumba ka ju long” ula ong.

Ha kaba iadei bad ka jingdawa ban weng noh ia u Prof PS Shukla kum u VC ka NEHU, u Dr Kharlukhi ula ong, “To ngin ia ap shwa ia kaei kaban mih na ka jingialang (EC) bad tang hadien jong katei, ngin sa lah ban rai ia kaei kaba ngi dei ban leh”.

Dang shen ka kynhun jong ki ar ngut ki heh ophisar jong ka Ministry of Education jong ka Sorkar Pdeng kila wan sha ka nongbah Shillong ban khmih bniah ia ka jinglong jingman bad ia ka rukom treikam jong ka skulbah NEHU.

Share post:

-->
spot_img

Popular

More like this
Related

SPL | Beh nadien ka Lajong ban jop ia ka Mawlai SC da 4-3 kol

Shillong Risaw 01: Ka Shillong Lajong kaba la shah...

Dawa ka KSU bad FKJGP ia ka Sorkar ban shimkhia halor kai jingdawa ki nonghikai adhoc

Shillong, Risaw 01: Ki sengbhalang ba kynthup ka Khasi...

Iaroh u CM ia ka Balang Katholik ba iarap ban kyntiew ia ka pule puthi ha Jylla

Nongpoh, Risaw 01 : U Myntri Rangbah ka Jylla...