Shillong, Nailar 30 : U Lamphang ka Iingdorbar Thaw Ain ka Jylla Thomas Sangma ula pyntip ba ka jingtei pyndep ia ka Iingdorbar Thaw Ain ba thymmai ka Jylla ka lah ban long hapoh une u snem ba mynta.
Haba iakren bad ki nongthoh khubor, u Lamphang ula ong ba ki kam kila iaid watla ki don katto katne ki jingeh ki bym lah ban kiar.
Ula ong ba ka jingpynkhuid ia kiba sah naka jingkhyllem u dome bad ka jingmynjur ia ka design jong u dome ba thymmai kila dep lut mynta bad ka kam kala iaid shakhmat.
“Mynta ka kam kala iaid shakhmat bad ngi kyrmen ba ka Iingdorbar Thaw Ain ka Jylla kan dep noh hapoh ka shisnem” ula ong.
U Thomas ula bynrap “Namar baroh kito ki jingjia kiba jia…namar ka jingrai kyrkieh, ngam kwah shuh ban buh ia kum kane ka jingma..Ta ka daw, hapoh une u snem, ngi dei ban pyndep noh ia ka jingtei”.
U Lamphang ula pyntip ba ka jingpynieng ia u dome ba thymmai ruh kala sdang. “Kala don ka jingpynkylla hynrei u dei uba kham sting ym ka design kaba rim kaba khia haduh 3000 metrik ton hynrei mynta te ula duna bha”.
Haba kylli, u Thomas ula pyntip ba ka project kala mad ia ka jingkiew dor. “Na ka T.141 klur bala mang mynshuwa, mynta ka jingmang kala kiew sha ka T. 200 klur” ula ong.
Pule lang ia kane: Sikkim: Ka BJP kan ym ioh wat tang 500 vote lada iakhun marwei ia ka elekshon, ong u MLA ka Party
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
