Shillong, Rymphang 09 : U President ka Meghalaya Pradesh Congress Committee (MPCC) ma Vincent H Pala, hynne ka sngi palei ula pyntip ba u kyrtong ka Congress na Umroi Bah Stanlywiss Rymbai, u dei u bym pat shah pynbna donkti ha ki kam bymman (convicted) haduh mynta.
“Katba u (Stanlywiss) um pat shah pynbna donkti kam bymman ngim lah satia ban bishar ia u. Ngim lah ban ong ba ula donkti ha ki kam kurup jaka bad ka kam bymman tad haduh ba la rai ka ain. Ngim dei ban bishar ia u briew tang namar ba don kiba ujor ejahar bad kiwei kiwei” ula ong.
Haba iadei bad u kyrtong ka party na Songsak Champion R Sangma, uba dei u Nongialam barim ka GNLA, u la pyntip ba ki don haduh 34-35 tylli ki case ba dang sahteng pyrshah ia u bad ula ioh jamin ia baroh kine ki kam.
“Nga la iakren bad u nongiasaid ain jong u bad ma u ruh kumjuh. Tad haduh bala pynbna donkti ia u, ngim don ka hok ban kyntait lada u kwah ban mih iakhun ia ka elekshon” ula ong haba bynrap ba ka Party kan nym ai ticket satia lada une u kyrtong u dei uba la shah pynbna donkti kam bymman da ka Iingkashari.
