Shillong, Iaiong 21 : Ka Sorkar Jylla kala pynkreh ban pynduna ia ka dor tender na ka bynta ka Polo Market Complex ba thymmai hadien ba kam lah ban khring ia ki nongthep tender wat hapdeng ka jingpynlait tender ba bun sien.
Ka Iew, kaba la plie ha u snem bala lah, kan dang ban treikam haduh mynta.
“Ngi la pynmih jingpynbna haduh lai-saw sien hynrei ym don mano mano ruh ba kwah iashimbynta ha ka. Kumta, mynta ngin hap ban pynlait tender biang. Ngi la dep lypa lai sien ban pynlait ia ka jingpynbna hynrei ym shym la don kiba iashim bynta” ong u Symbud Myntri Rangbah ba khmih ia ka Urban Affairs Bah Sniawbhalang Dhar haba iakren bad ki nongthoh khubor ha ka sngi Ba-ar.
Ula pynpaw ba ka dor bala buh da ka Sorkar ka lah ban pynkiar ia ki nongthep tender ban iashimbynta. “Imat ka dor kala kham heh kumba la buh da ka Sorkar hynreimynta ngi la pyrkhat ban pynhiar noh khyndiat khnang ba ki briew kiba kwah pyniaid ia kane ka Iew kin wan shakhmat”.
“Ia ka Iew Polo la khmih da ka Shillong Municipal Board bad ngim pat shym la sdang pyntreikam ia ka namar ngi dang ap ia ki briew ba kin wan shakhmat katba ngi dang pyniaid ia ka tender” ula bynrap.
Ula ong ba ka rukom pyniaid ia ki kam ka long kaba leh haba shai bha. “Kiba thong kham heh kin ioh”.
