Shillong, Nailar 21 : U National General Secretary ka NPP bad Symbud Myntri Rangbah Bah Sniawbhalang Dhar ha ka sngi Balang ula ong ba ki dang don ki MLA kiba la wan iakren ban iasoh noh sha ka party jong ngi.
“Katto katne ngut ki (MLA) la wan ban iakren bad ngi hynrei ngi dang shong bishar ia kane” ong u Bah Sniawbha haba iakren bad ki nongthoh khubor.
Hynrei ula kyntait pat ban batai bniah ia kine ki MLA la ki dei kiba don ha ka Liang Synshar ne ka Liang Pyrshah.
“Kila don katto katne ngut kiba la wan iakren bad ngi bad ngi kloi ban pdiang ia ki lada ki wan iasoh bad ngi” ong u Bah Sniawbha haba kular ia ka jingkylli la kine ki MLA ki dei na ka TMC ne ka VPP.
Haduh 5 ngut ki MLA kila wan iasoh sha ka NPP tang ha kine ki 2 snem bala leit noh. Kine ki kynthhup ia arngut ki MLA ka People’s Democratic front (PDF)-Bah Gavin Mylliem (Sohra) bad Bah Banteidor Lyngdoh (Mawkynrew) bad lai ngut jong ka Congress _Bah Gabriel Wahlang (Nongstoin), Charles Marngar (Mawhati) bad Dr Celestine Lyngdoh ( Umsning) kiba dang shu wan iasoh shen.
U Bah Sniawbha ula ong baka daw kaba pynlong ia kine ki MLA ban wan iasoh sha ka NPP ka dei namar lehse ki kwah kham bun ia ka roi ka par bad lehse ki iohi ruh ia ka jingtreikam jong ka Sorkar ba ka dei kaba biang tam.
“Ka kam pynroi ka dei ia baroh hynrei phi iatip bha ba lada ki don ha ka Sorkar ki kham ioh tam noh. Kane ka dei ka politics hynrei kum ka Sorkar kane kam dei ban don ha ka jingmut jingpyrkhat, ngi pyrshang ban ai mar katjuh ia baroh ki constituency” ula ong.
-Bah Gavin Mylliem (Sohra) bad Bah Banteidor Lyngdoh (Mawkynrew) bad lai ngut jong ka Congress _Bah Gabriel Wahlang (Nongstoin), Charles Marngar (Mawhati) bad Dr Celestine Lyngdoh ( Umsning) kiba dang shu wan iasoh shen.){kind=link}