Shillong, Naiwieng 27: U Myntri Rangbah ka Jylla Conrad K Sangma ha ka sngi Balang ula ong ba ka wat kaba ar jong ka jingiakren pynbeit pud bad ka Assam kan sa sdang biang noh shen.
Haba iakren bad ki lad pathai khubor, u Conrad ula ong “Ngi kyrmen ba ngin lah ban sdang biang ia ka jingiakren bad iakynduh noh shen hynrei ngan ym lah ban batai ia phi ia ka por ia mynta tad haduh ba ngan da ioh iakren bad u CM ka Assam”.
“Ngi la iakren man ka por hynrei hapdeng kane, kala wan noh ka elekshon, ka elekshon shiteng samoi bad kiwei kiwei ki kam, kumta kala kham jynjar namar kine kiei kiei ym namar jong kiwei pat ki daw” ula ong.
“Mynta ngin sa iapeit, ngin sa iakren. Nga tharai kan don ka jingthaw ia ka Sorkar Maharashtra, ka elekshon ka dang shu kut ha Jharkhand bad kumta, kine ki jingeh kila mih, kiba la pynslem ia ka jingiakren” ula bynrap.
