Shillong, Naitung 29: Kum shi bynta ban burom iaka Sngi U Blei, iaki prokram jong ka Commonwealth Parliamentary Association of India (CPA) la rai ban pynsdang noh hadien ka 12 baje nohphaisngi hadien ba wai ki jingaseng.
Ia kane la pyntip da u Myntri Rangbah ka jylla Conrad K Sangma haba jubab halor ka jingkylli, balei ba pynlong iaka jingialang haka sngi U Blei namar ka Meghalaya ka dei ka jylla kaba bun ki Khristan kiba donkam ban leit jingiaseng.
Haba kren sha ki lad pathai khubor u Conrad ula ong “Baroh ngi ia tip ba ka Dorbar jong ka Lok Sabha ka dang iaid bad u Lamphang ka Lok Sabha bad kiwei ki Ophisar ki don por tang Sngi Saitjain bad Sngi U Blei ban wan sha kane ka jingialang”.
U Conrad ula ong “Kim don por bad dei namar kane wat iaki prokram jong ka CPA ruh la kham pynlong kot noh bad la bthah ruh ba ki prokram lashai ka sngi kin sdang noh hadien ba wai ki jingiaseng kata hadien ka 12:25 baje Nohphaisngi”.
U Conrad ula ong ba ka sorkar ne ka ïingdorbar ka sngewthuh iaka jingsngew ki riewngeit Khristan hapoh ka jylla hynrei ym lah pat ban pynduh iaka jingialang lashai ka sngi (Sngi U Blei) namar ba ka dorbar Parliament ka dang iaid bad dei tang ha kane ka por ba u Lamphang bad ki Ophsiar kin ioh por ban shim bynta ha kane ka jingialang ha Shillong.
Haba batai halor ka jingdonkam ban pynlong iaka jingialang CPA, u Conrad ula ong ba kane ka jingialang ba 20 jong ka CPA ka dei naka bynta ban iatai halor ki mat kiba donkam eh naka bynta ka thain shathei Lammihngi (North East).
U Conrad ula iathuh ba ha kane ka jingialang ka CPA kala buh iaki mat ban iatai ba kynthup ka ka jinglong jingman bad ka jingkylla ka mei mariang, ka jingshah lynshop ha ka bor mariang bad ka jingdonkam ban pynioh ia ki surok synkein naka bynta ban pyniasoh iaka thain shathei lammihngi (North East) bad ka ri India baroh kawei.
“Kane ka jingialang ka long kaba donkam bha bad nga dap daka jingkmen ba u Lamphang ka Lok Sabha ula shim jingkitkhlieh ban ialam iala jingialang ha Shillong bad kane ka paw shai baka Sorkar Pdeng ka don jingkitkhlieh ban kyntiew iaka thain shathei Lammihngi (North East) baroh kawei” ula ong.
Pule ruh: Kurup ki BSF ia 58 tylli ki muid ba thmu khaii sha Bangladesh
 la rai ban pynsdang noh hadien ka 12 baje nohphaisngi hadien ba wai ki jingaseng.){kind=link}