Shillong, Nailur 17 : Ka Meghalaya Power Generation Corporation Limited (MePGCL) kala pyntip ba ka lah ban pyllait ia ka um na ka pung Umiam Stage-I ha kano kano ka por lada dang don ka jingjur u slap bad jingkiew ka um hapoh ka pung.
Ka pyntip ba kat haduh ka por 12 baje mynsngi jong ka sngi Balang, ka jingdon jong ka um hapoh ka pung Umiam kala kot haduh 3212 phut.
Namar kane, ka MePGCL kala phah ia ka shithi sha ki Rangbah Shnong jong ki 23 tylli ki shnong kiba don sharum jong ka jaka pyllait um ka pung Umiam ba kin pyntip lem ha shnong ha thaw ba kin long kiba phikir bad ban nym ialeit shajan ka Wah khnang ban lait na kano kano ka jingmynsaw.
Kine ki 23 tylli ki shnong ki kynthup ia ka Pynthor, Mynsain, Unden Umsaitprah, Umden Arka, Umden Mission, Umktieh, Umtangling, Nonglum, Umden Umbathiang, Tyrso Pdeng, Tyrso Lumdiengjri, Tyrso Nongkhyllep, Umtngam, Birsiej, Sohphoh, Mawrathud, Umshingktad, Lum Mawtha, Umlatara, Ingsaw, Umshiaw, Mawkynrong (Umsning Block) bad Umlaiteng (Umsning Block).
 kala pyntip ba ka lah ban pyllait ia ka um na ka pung Umiam Stage-I ha kano kano ka por lada dang don ka jingjur u slap bad jingkiew ka um hapoh ka pung.){kind=link}