Shillong, Risaw 24: U Executive Member (EM) ba khmih iaka tnat Council Assets u Bah Pynkhrawboklin Kharjahrin u la pyntip ba shen yn plie noh iaka Mawsynram Market Complex.
U Bah Pynkhrawboklin ula pyntip ia kane haba jubab iaka jingkylli bala wanrah da u MDC ka Mawsynram Bah Alvin Sawkmie ha Iingdorbar.
Haba jubab, u Bah Pynkhrawboklin ula iathuh ruh ba iaka Mawsynram Market Complex ka dei kaba la bei tyngka daka District Council.
Hashuwa kane u MDC ka Mawsynram u la buh jingkylli la ka District Council kan mang tyngka biang ne em ban pynbha shuh shuh iaka Market Complex namar watla iaka Project la dep ban trei mynta la shi snem tam hynrei haduh mynta ka Council kam pat lah ban plie iaka.
U EM haba jubab iaka jingkylli ula ong “Naka liang u Contractor ba pyntrei iaka Mawsynram Market Complex um pat ai iaka shithi ban pynkhamti shaka District Council iaka Market Complex bad naka liang ka District Council ruh haduh mynta kam pat pyllait iaka pisa ba ym duna T.7 lak sha u Contractor”.
“Haduh mynta ka Executive Committee (EC) kam pat shim ia kano kano ka rai ban mang tyngka biang ban pynbha bad pynitynnad iaka Mawsynram Market Complex” ula ong.
 ba khmih iaka tnat Council Assets u Bah Pynkhrawboklin Kharjahrin u la pyntip ba shen yn plie noh iaka Mawsynram Market Complex.){kind=link}