Shillong, Naitung 30 : U Lamphang (Speaker) ka Iingdorbar Thaw Ain Thomas A Sangma ha ka sngi Balang, ula kular ba ka jingkhem bad jingshngain jong ka Iingdorbar Thaw Ain ba thymmai ka Jylla, ka dei ka kam ka bym lah satia ban iapein.
“Shisien kala jia, arsien te kan ym jia shuh” ong u Thomas haba iakren bad ki nongthoh khubor ha ba ban jur ia ka jingshngain bad jingiada kum ka kam ba hakhmat eh hadien ka jingjia khyllem u dome ha ki snem bala leit.
“Mynta kila leh janai bha khnang ba kan ym don ka jingiapein khamtam ia ka jingshngain jong ki dkhot jong ngi” ula ong.
U Lamphang ula kular ba ka jingtei ia mynta ka long kaba skhem hynrei ki kam ba pyntrei shapoh kila buh ha ki jingeh kiba bun.
“Ki kam ban tei kila dep lut, mynta ngi la sdang sa ia ki jingtrei kiba shapoh, kaba dei ka jingtynjuh kaba khraw ia ngi” ula ong.
Ban pynthikna ia ka jingskhem bad jingshngain jong ka jingtei, u Thomas ula iathuh ba ka Assembly kala thung ia ki Consultant kiba pyntrei ia ki kam ba shapoh jong ka Parliament ha Delhi.
“Ia ka jingkhia jong ka sad (ceiling) la peitbniah da ka IIT Guwahati bad ka IIT Roorkee, bad la leh ruh man ka por ia ka safety audit” ula bynrap.
 ka Iingdorbar Thaw Ain Thomas A Sangma ha ka sngi Balang, ula kular ba ka jingkhem bad jingshngain jong ka Iingdorbar Thaw Ain ba thymmai ka Jylla, ka dei ka kam ka bym lah satia ban iapein.){kind=link}