Shillong, Jymmang 27: U Myntri Rangbah ka Jylla Conrad K Sangma ha ka Sngi Balang, ula kyntait ia ka jingkynnoh u President ka seng Congress Bah Vincent H Pala ba ka seng National People’s Party (NPP) kan sa mad ia ka jingiashrut hapoh Iing na ka elekshon Rajya Sabha bad pynpaw ba ka seng jong u kan shim ia ka rai da ka jingsngap ia ka sur uba bun balang haba bthah ia u Bah Pala ba u dei “Ban peit shwa ia ka jingiapait iapra hapoh ka seng Congress”.
U Conrad Sangma ula ong, ba ka NPP kam treikam lyngba ka jinghukum jong kiba heh.
“Haba iadei bad ka National People’s Party, ngi long kiba iaid ha ka lynti jong ka jingsynshar paitbah ha ka rukom treikam ka jong ngi” ula ong.
“Kam don kano kano ka bynta jong kito kiba don ha ka kyrdan kaba halor eh ban wan rung bad ban leh donbor ia ka rai”.
Ula banjur ba ka jingiatai hapoh ka seng ka long ka mat kaba hapdeng eh jong ka rukom treikam ka seng. “Ha kiba bun ki mat bad ki jingjia kiba don, ka ju don beit ka jingmih kaba long ha ka rukom kaba biang bad kaba bha, ki jingiatai kiba eh bad kiba tei kidei kiba ju iai mih hashwa ban shim ia kano kano ka rai kaba khatduh” la ong u Nongialam Rangbah ka NPP.
“Hooid, ha katei ka jingialang, ngin kren beit baroh ia kaei kaba ngi kwah ban kren wat la kadei kaba mut kaba nga ngam lah ban pdiang ruh. Kane kadei ka rukom treikam jong ka jingsynshar paidbah bad kadei ruh ka nongrim ia kaba ngi kum ka seng bad ka jingai jingshakri ia ki paidbah lyngba ka kam sorkar kaba ngi ju iaid shakhmat” ula bynrap.
Haba kren beit beit halor u Bah Pala, u Conrad Sangma ula ong, “Ai ngan pynthikna ia phi ba u Bah Pala ym donkam ban khuslai eiei ia kano kano ka jingorpait ha ka seng NPP. Udei ban peit kham bun ia ka jingorpait hapoh jong ka seng Congress.”
Ula ong, ba ki jingpynsngew kiba bun jait kidei kiba la khmih lynti ban mih beit hapoh ka seng NPP. Hynrei ka jingshim ia ka rai kaba khatduh kan dei beit pat da kaba hakhmat eh ia ka jylla. “Ngi don hangne ban ia treilang hynrei hooid ngi don pat ia la ki jong ki jingpynsngew bad katei ka long kumba ju long ia uno uno u riewshimet” ong u Sangma bad ka ong, “Hynrei ha kaba kut hi jong ka sngi, ngi ngin leh ia kaei kaei kaba dei na ka bynta ka bha ka miat jong ka seng bad kaba kham kongsan eh na ka bynta ka bha ka miat jong ka Jylla”.
Ha kaba iadei bad ka elekshon MP Rajya Sabha, ula ong, ba ka seng kan buddien da kaba iaid da ka lynti jong ka jingiasyllok. “Da kaba buh ha ki jingmut jingpyrkhat ba kan sa wan ka elekshon Rajya Sabha, ngi lah long kiba shai kdar ba kan sa don da ka lynti kaba iaid katkum ka mon jong kiba bun balang” la ong u Sangma.
“Baroh ki MLA ka seng, kiban long ki nongthep vote kiba kongsan, kin sa ia shong bad ban iapyrkhat bad ban shim ia ka rai kumno ba kin iaid shakhmat”.
 kan sa mad ia ka jingiashrut hapoh Iing na ka elekshon Rajya Sabha bad pynpaw ba ka seng jong u kan shim ia ka rai da ka jingsngap ia ka sur uba bun balang haba bthah ia u Bah Pala ba u dei “Ban peit shwa ia ka jingiapait iapra hapoh ka seng Congress”.){kind=link}