spot_img

Pynthikna u Bah Rocky ban aireng pyrshah iala u mama ha ka Elekshon 2023

Date:

Share post:

Shillong , Naitung 20: U Bah Rocky Hek hynne ka sngi u la pynbna ba u la rai ba un aireng beit pyrshah ia la u jong u Mama Bah AL Hek ba dei ruh u MLA ka Pynthorumkhrah, ha ka elekshon MLA kaban long ha u 2023 na ka tiket NPP.

Haba kren bad ki lad pathai khubor hadien ba u la dep ban rung dkhot ba pura jong ka National Peoples Party ha ka jingialang kaba long ha ophis treikam jong ka party hi, u Bah Rocky u la ong, “Ka Pynthorumkhrah kam dei shuh ka constituency ba thymmai na bynta jongnga. Nga dei u trai shnong bad haba nga iaid kylleng ki shnong ki pynpaw ba kin kyrshan borbah ianga ha kane ka elekshon MLA ban wan.”

Da kaba pynpaw ruh ba kam dei satia ka kam kaba suk ban iakhun pyrshah ia u Mama lajong uba la jop haduh san sien lynter kumjuh ruh ia u MDC ba mynta Bah PN Syiem, na ka liang u Bah Rocky u ong ba u sngewtynnad pat ban rung ha ka jylli kaba don ka jingialeh ban poi sha ka thong.

“Ki paidbah ki tip khambha kaei kaba ki nongmihkhmat kiba hashwa ki la leh na ka bynta ka consituency jong ki. Kumta, nga ruh ngam kular shwa hynrei nga kwah ban ong ba kaei kaba kim lah ban trei ngan buddien bad pyndep manga,” bynrap u Bah Rocky.

U la ong ruh ba ka thong jong u kam dei satia ban kular ban pynioh kam pynioh jam hynrei un pyrshang pat ban plie lad ia ki samla lyngba ka skim MLA ba kin lah ban ieng ha la ki jong ki kjat khnang ba kin lait lut na ki kam kiba lah pynngop ia ki ha ki kam kiba ktah ia ka jingim kiba sdang ban kynrei kylleng ka jylla.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img