Shillong, Rymphang 10: U president ka Voice of the People Party (VPP) u bah Ardent Basaiawmoit hynne ka sngi ula pyntip ba ki Returning Officer (RO) kiba khmih iaka ilekshon kila pyntip ba la ithuh ia u shap ‘Prah’ kum u shap jong baroh ki kyrtong ka VPP ki ban iakhun ha kane ka ilekshon.
U bah Ardent Basaiawmoit ula iathuh ba ka party ka don ka jingngeit kaba skem ba ki kyrtong ka Party kin ioh beit ia ka shab da u Prah wat la ka Party ka slem ban phah ia ki kyrteng jong ki kyrtong kaba la pynlong ia ka Election Commission of India (ECI) ban ym ai ia u Prah kum u Common Symbol ka party.
“Hynne ka sngi ki Returning Officer (RO) ki ai ia ki Symbol haka ba baroh ki kyrtong ki ba ka VPP ka pynieng ban iakhun ha kane ka ilekshon ka ban long ha ka 27 tyarik mynta u bnai kin dei hi haka shap u ‘Prah’ bad kane hi ka la dei ka jingjop ia ka party” la ong u bah Ardent.
