Shillong, Nohprah 11: U Member Secretary ka Meghalaya State Pollution Control Board (MSPCB) u Dr GH Chyrmang u la pynthikna baka Public Hearing naka bynta ka Shree Cement Integrated Cement Plant ha Daistong East Jaintia Hills kan iaid beit kumba ka buh iaka tarik.
Lah ban kdew ba ka Public Hearing naka bynta ka Shree Cement Integrated Cement Plant ha Daistong la buh ban pynlong haka 19 tarik Nohprah 2025.
Haba kren shaki lad pathai khubor u Dr GH Chyrmang u la ong ba barabor iaki Public Hearing la pynlong katkum ki kyndon jong ka Environment Impact Assessment (EIA) 2006.
U Dr Chyrmang u la ong ba hashuwa ban pynbeit iaki tarik ban pynlong Public Hearing, ka MSPCB ka donkam ban ioh iaki Term of Reference (ToR) bad hadien bala ioh iaki TorR kaadei ka kamram jong ka Board ban pynlong iaka Public Hearing.
U la ong baka MSPCB kam don bynta eiei haba iadei bad ka jingpyrshah ki nong shong shnong iaka Public Hearing namar iaka Public Hearing yn pynlong haka jingiatreilang bad ki bor district.
U Member Secretary u la ong ba ka MSPCB ka lah ban pynsangeh trekam iaka ToR lane ban pynlong Public Hearing tang lada wan hukum na Iingbishar.
“Ngam don eiei halor ka jingdawa ki nong shong shnong ban pynsangeh iaka Public Hearing. Ka MSPCB ka don bynta tang ban khmih halor ka jingdonkam jong ka EIA. Ngin iaid skhmat ban pynlong iaka Public Hearing” u la ong.
 u Dr GH Chyrmang u la pynthikna baka Public Hearing naka bynta ka Shree Cement Integrated Cement Plant ha Daistong East Jaintia Hills kan iaid beit kumba ka buh iaka tarik.){kind=link}