Shillong, Iaiong 05: U Inspector General (IG) jong ka BSF Meghalaya Frontier u O.P. Upadhyay, ha ka sngi Thohdieng ula leit iashimbynta ha ka jingialang kaba la lum da u Myntri Rangbah ka Jylla u Conrad K Sangma bad ula pynpaw ia ka jingdonkam ban don ia ka jingiatreilang hapdeng ki shipai BSF bad ki bor sorkar ban tehlakam ia ki kam sniew ha ki thain khappud kiba don marjan bad ka ri Bangladesh.
U IG ka BSF ula pynpaw ia ka jingsngewnguh ia ka jingai jingkyrshan jong ki bor ka sorkar jylla bad ki pulit bad ula pynsngew ruh hakhmat jong u Myntri Rangbah halor ki mat kiba iadei bad ka jingshngain ha ki thain khappud, ka jingdonkam ban don ia ka jingai jingkyrshan bad iatreilang hapdeng ka BSF bad ki bor ka sorkar jylla ha kaba iadei bad ka jingrung ne jingmih tuh ha khappud.
Ha katei ka jingialang, u IG ka BSF ula pyntip ruh ha u Myntri Rangbah ia ka jinglong jingman ha ka khappud jong ka ri India bad Bangladesh kaba hap ha ka Meghalaya bad ia ki jingpyrshang jong ka BSF ban tehlakam ia ki kam sniew ha khappud, ki kam khaii tuh bad ia ka jingwan rung tuh.
Na ka liang u Myntri Rangbah ula pynpaw ia ka jingsngewtynnad ia ka jingtrei shitom ki BSF ban iada bad ban ai jingshngain ia ki nongshong ka ri kiba sah ha khappud bad ula banjur ia ka jingdonkam ban bteng ia ka jingiatreilang, ban ia sam mar kylliang ia ki jingtip bad ban pyndonbynta lang ia ki shnong ki thaw ban pynneh ia ka shongsuk shongsain ha ka thain khappud.
Nalor kane, ka jingialang kala iakren ruh ia ka jingdonkam bad ban thaw ia ki lad ki lynti ban don ka jingiatreilang hapdeng ki BSF, ki bor sorkar bad ki shnong ki thaw ha khappud bad ka BSF kala pynpaw ba skhem jingmut ha ka jingkular ban iada ia ka ri bad ban ai ka jingiatreilang kaba pura bad ka sorkar jylla ban pynneh pynsah ia ka jinglong jingman bad ia ka shongsuk shongsain ha ka thain khappud bad ka ri Bangladesh.
 jong ka BSF Meghalaya Frontier u O.P. Upadhyay, ha ka sngi Thohdieng ula leit iashimbynta ha ka jingialang kaba la lum da u Myntri Rangbah ka Jylla u Conrad K Sangma bad ula pynpaw ia ka jingdonkam ban don ia ka jingiatreilang hapdeng ki shipai BSF bad ki bor sorkar ban tehlakam ia ki kam sniew ha ki thain khappud kiba don marjan bad ka ri Bangladesh.){kind=link}