Shillong, Naitung 17 : U President ka Hynniewtrep National Youth Front (HNYF) Bah Sadon K Blah ha ka sngi Nyngkong ula ong ba ka jingdawa jong ka ACHIK ia ka Winter Capital ha Tura ka dei ka bym lah satia ban pdiang.
“Kane ka jingthmu ka dei ka bym lah ban pdiang. Balei? Namar ka Meghalaya ka dei ka Jylla kaba rit” ong u Bah Sadon haba iakren bad ki nongthoh khubor.
“Lada ia ka Ri india baroh kawei la lah ban pyniaid na Delhi khlem da rah ia kano kano ka Nongbah, ka kam ban dawa iala ka jong ka Dorbar lane ka jingtreikam ka Sorkar na kawei ka District sha kawei pat ka District kam don eiei hynrei ka dei tang ka jingpyrshang ban pynkha ia ka jingbym iasngewthuh jingmut bad jingbym iashaniah hapdeng ki paid riewlum ka Meghalaya” ula bynrap.
Halor ka jingdawa jong ka ACHIK ban pyntreikam ia ka Roster System naduh ki snem bala leit noh, u Bah Sadon ula ong ba um lah satia ban kynthoh eiei halor kane ka kam namar kum ki nong India, baroh ki don ia ka hok ban dawa la ka dei ka jingpyntreikam naduh ki snem bala leit noh ne naduh nangne shakhmat ia ka Reservatioh Policy bad ka Roster System.
Haba kynthoh ia ka hukum ba dang shen jong ka Deputy Commissioner ka East Khasi Hills, u bah Sadon ula ong “Ka hukum ba dangshen jong ka DC ka dei kaba shaba palat ia ka jinglaitluid jong ki nong India. Lada ki jingjia ki mih hangne hangtai, ngi don ia ka Tnad Pulit ban khmih ia kine ki kam hynrei ban shu pynmih beit da ka hok ba baroh ki nongshong shnong kin hap set kut ialade hala iing ka dei ka jingleh Taliban ia ka jinglaitluid jong ki nong India ba kin iaid kin ieng hala ka mon”.
Pule ruh: Iaid ka jingiakren iasuk ka HNLC bad Sorkar ha ka lynti kaba dei
 Bah Sadon K Blah ha ka sngi Nyngkong ula ong ba ka jingdawa jong ka ACHIK ia ka Winter Capital ha Tura ka dei ka bym lah satia ban pdiang.){kind=link}