Shillong, Rymphang 25 : U Myntri Rangbah ka Jylla Conrad K Sangma ha ka sngi Balang ula pyntip ba ka jaka bah eh 7.28 hectare ha Riat Khwan Reserve Forest-kaba aiwai mynshuwa- la pynkhem mynta ban pyndonkam kum ka jaka theh niut ka Marten hadien ka jingioh jingbit na ka Sorkar Pdeng kat kum ka Forest (Conservation) Act, 1980.
“Ia ka jingpynskhem la leh hadien ba ioh ia ka jingbit ban pynkylla ia ka jaka khlaw sha ka jaka ban pyndonkam sha kiwei pat ki kam” ong u Conrad haba jubab ha Iingdorbar Thaw Ain, haba pyntip ia ka jingai jingbit ba khatduh jong ka Ministry of Environment and Forest ba 21 tarik Naiwieng 2011.
Ula pynthikna ba ia ka jingaiwai lah nang pynjlan haduh u snem 2026, halor ki kyndon kiba pyrrkhing bha.
“Ka jaka kan iai bteng ban long ka jaka Reserve Forest” ula ong haba bynrap ba ka jingpyndonkam kan long beit thik tang ia ka jingbret niut” bad kam dei ban don ka jingdie, jingaiwai, ne buh bynda lane pyndonkam ha kiwei pat ki kam khlem da ioh jingbit shuwa na ki bor ba dei khmih”.
 Act, 1980.){kind=link}