Shillong, Nailur 12 : U Myntri ka Tnad Community & Rural Development, AT Mondal ha ka sngi Palei, ula pynshai ba ka Tnad ka ju siew tista beit ia ka bainong jong ka MGNREGS haba phah pisa ka Sorkar India.
“Kumta (ka jingsiew bainong) kam don jingiadei eiei ruh em bad ka Sorkar Jylla. Ka dei kaba la phah beit beit sha ki account jong ki job card holder” ong u Mondal haba iakren bad ki nongthoh khubor.
Halor ki jingkynnoh bansap ha ki VEC, u Myntri ula ong ba haba mih kino kino ki jingkynnoh, ka Tnad ka ju thung beit ia ki jingtohkit.
“..Ngi la bthah ia ki BDO ba kin khmih ia baroh ki bynta kat kum ka riti treikam jong ki VEC bad kila shimkhia bha ia kane” ula ong.
