Shillong, Jylliew 22: Ka Tnad Public Health Engineering (PHE) ha ka sngi Saitjain, kala pynshai ba kam shym la don satia kano kano ka jingduna ne jingleh bakla (Irregularity) ha ka jingpyntreikam ia ka Jal Jeevan Mission (JJM) ha rilum Garo.
Ha ka kyrwoh khubor, u Additional Chief Engineer ka PHE ula ong, “Ngi la lah ban leh bha ha kaban pynbiang ia ka umbam umdih ha ki shnong kiba don ha ki thaiñ nongkyndong ka rilum Garo. Hynrei katei ka projek ka dang iaid shakhmat bad ngi dang ialeh ban pynbeit ia ki jingeh kaba ngi la mad ha ka jingpyntreikam. Kila don ki jingeh kiba la mih naka jingpyrshah ha kaba iadei bad ki tyllong um, ka jingshim ia ki jaka bad kiwei kiwei, hynrei ngi dang ialeh ban pynbeit noh ia kine lyngba ki Engineer kiba peit ia ka kam”.
Kila pyntip ba ka jingslem ha ki katto katne ki projek ka dei eh namar ka jingmih ki jyrwit jyrwat kum ka jinglong ka suiñbneng bad kiwei kiwei ki daw, ia kaba ngi lah ai por shuh shuh ia ki kontraktor da kaba buh hakhmat ba ym dei ban don kano kano ka shnong kaban shah iehnoh ha ka jingpyndep ia ka JJM.
“Kumta ngi kyntu ia ki nongshong shnong ba kim dei ban sheptieng ba ki kontraktor ki lah ban iehnoh ia kitei ki projek”.
“Kala don ka jingbym shai ha ki paidbah bad ka rukom sam ia ki jingtip ha kaba iadei bad ka jinglong jingman jong ka JJM Scheme, kaba la lam sha ka jingmutdur bad kynnoh ka bym don jingmut” la ong u Additional CE ha kaba ula pynthikna ruh ba watla ki mad ia kitei ki jingeh bad jingtynjuh hynrei ki ophisar kiba la trei khlem shongthait kin pynthikna ba ka jingpyntreikam ia katei ka scheme kan long kaba jop”.
 ha ka sngi Saitjain, kala pynshai ba kam shym la don satia kano kano ka jingduna ne jingleh bakla (Irregularity) ha ka jingpyntreikam ia ka Jal Jeevan Mission (JJM) ha rilum Garo.){kind=link}