Shillong, Naillur 27: Ka Central Puja Committee (CPC) Meghalaya ka la kren shai ba kam kyrshan ia ka kynhun ba thmu pynlong ia ka ‘Gau Dhwaj Sthapna Bharat Yatra’ ha nongbah Shillong.
Ia kane la pyntip da u General Secretary ka CPC Meghalaya u JL Das hadien ba wai ka jingialang High Level Meeting bala pyniaid da u Chief Secretary (CS) ka Jylla Bah DP Wahlang haka jingdon lang ki bor district ka East Khasi Hills bad Ri-bhoi District lem bad ki Ophisar ka tnat kampoiing.
Haba kren shaki lad pathai khubor u JL Das u la ong ba ki riewngeit niam Hindu hapoh Meghalaya kim kwah ban don kano kano ka huri hura ha ki sngi lehniam Puja.
Ula ong ba ka CPC kala kren shai haka jingialang ba lum da u Chief Secretary ba ka CPC ka khlem ioh jingtip ba kan don ka rally ban ialap pyrshah ia ka jingshoht bad bam doh masi hapoh Shillong.
“Ka 2 tarik Risaw ka dei ka Sngi ba kyrpang ha kaba kan sdang kawei ka jinglehniam ki riewngeit Hindu bad ka CPC ka kwah ba ka jinglehniam Puja ha kane ka Jylla kan long kaba suk ba saiñ bad ba iaid beit khlem kano kano ka huri hura” la ong u JL Das.
 ka Jylla Bah DP Wahlang haka jingdon lang ki bor district ka East Khasi Hills bad Ri-bhoi District lem bad ki Ophisar ka tnat kampoiing.){kind=link}