Nongstoin, Lber 04: Ka Hynniewtrep Youth Council-West Khasi Hills bad ka Mawshynrut Youth Movement (MYM), hynne ka sngi Nyngkong, kila leit ban pynsangeh ia ka interview thep kam bala pynlong da ka Tnad Social Welfare ka West Khasi Hills.
Kine ki kam ba lait ia kaba la pynlong interview thep kam ki kynthup ia ka kam District Mission Coordinator, Gender Specialist, Specialist in Financial Literacy, Accountant Assistant, Data Entry Operator bad Multi Tasking Staff.
Kine ki seng hapoh ka jingialam u samla Lumlang Kharsyiemlieh, President ka HYC bad samla Shembor Rynniaw jong ka MYM, kila phah pynsangeh ia kane ka interview thep kam namar ba ka Tnad Social Welfare kala khot interview tang ia ki samla bala thep kyrteng hapoh ka Ophis jong ka Employment Exchange.
Kine ki Seng ki pyntip ba kila leit ban dawa ia ka Ophisar ka Tnad Social Welfare Kong Pakyntein ba kan pynsangeh ia ka interview hynrei la kynnoh ba kane ka Ophisar kala pyneh da kaba aidaw ba kala ioh ia ka hukum na ki bor khmih ba hap ban pynlong beit.
Namar kata, kine ki Seng kila leit iakynduh ia u Deputy Commissioner ka West Khasi Hills ban dawa pynsangeh ia ka interview bad dawa ruh ba dei ban da pynmih da ka jingpynbna laitkam (Advertisement) kumba ju leh ha ka rukom thungkam.
Kine ki Seng kila hiar sha ka Ophis ka Tnad Social Welfare ban pynsangeh ia kane ka interview hynrei la shem ba u Deputy Commissioner ula shimkhia ia ka jingdawa bad ula hukum dalade ban pynsangeh shuwa ia kane ka kam.
U samla Lumlang Kharsyiemlieh ula ong ba ka seng ka sngewnguh ia u DC uba la sngap ia ka jingkyrpad jong ki arseng kiba la ieng na ka bynta ka bha ka miat jong ki samla wadkam.
, hynne ka sngi Nyngkong, kila leit ban pynsangeh ia ka interview thep kam bala pynlong da ka Tnad Social Welfare ka West Khasi Hills.){kind=link}