Shillong, Nohprah 14: Ka Nongbah Shillong ka dang pynkhreh shaid shaid ban pynlong ia ka Christmas Carol Singing Competition kaba nyngkong eh na ka bynta ki kynhun bad ki Choir bapher bapher, ka ban long ha ka 20 bad 21 tarik u Nohprah ha Anton Hall, Laitumkhrah.
Ia kane ka jingiakob yn pynlong da ka Big FM bad ka JBL, ka ‘Jingle All The Way’ kan wanrah ia kawei na ki riti kaba ieid tam jong ka Khristmas, ka Christmas Carol hapdeng jong ka Nongbah ban rakhe iaka Khristmas.
Ka ‘Jingle All the Way’ kan dei ka prokram ka ba itynnad bad ba pynkhih mynsiem bad ka ban khring ïa ka jingïashim bynta ki nongshong shnong, ki Balang bad kino kino kiba ieid ïa ki jingrwai Khristmas bad kiba kwah ban ïohi ïa ka sap ba kyrpang tam na Meghalaya ha ka sur jingrwai jong ka Khristmas.
Kum ka dak jong ka jingburom ïa ka Meghalaya kaba riewspah ha ka histori bad ka jinghiar pateng, ki kynhun bad ki Choir kiba ïakhun kin hap ban pyni ïa ka jingpynkylla thymmai ïa ki jingrwai tynrai da kaba pyni ia ka jingtbit jong ka jylla ha ki rukom rwai ba pawnam jong ka ri Sepngi ne Western bad ki rukom rwai tynrai (Indigenous).
Nalor katei, ka JBL bad ka Big FM kin pynshai bad pynthaba ruh ia ki surok jong ka nongbah Shillong ha ki jaka kiba kongsan bad kin sdang ia ka ‘Canter Activity’ kaba 3 sngi da kaba shna kyrpang da kaba pynitynnad bad pynshai bad pynthaba da ki ‘Christmas Decoration’ kaban kynthup ruh ia ka Karaoke, Christmas Rap Contests, Silent Disco bad kiwei kiwei ban pynsaphriang ia ka jingkmen. Yn sam ruh ia ki khusnam bad yn ailad ia baroh ban peit ia ki tiar pynsawa bad ki tair bathymmai jong ka JBL.
Ki nongrwai bad nongtem ba pawnam ka nongbah Shillong kiba kynthup ia u Bah Rudy Wallang, Kitkupar Shangpliang, Jeremy Mawlong bad ka Tipriti Kharbangar kin iadonbynta lang ha kaba kin long kum ki nongbishar lane lehse ka kynhun jong u Bah Rudy Wallang kin long ka kynhun kaba hakhmat eh ban pynbyrngia ha ka Grand Finale jongka Jingle All The Way.
Ia kane ka jingïalang la kyrshan da ka IOCL bad ka BIS Hallmark bad la pynkhamti ha ka kompani The Co.Lab, ban peit ia kane ka jinglehkmen, ban pynthikna ba kan ai ia ka jingsngewtynnad kaba sah jingkynmaw ia ki paidbah, ki nongrwai bad ki paidbah kiba wan jngohkai ia ka jylla.
