Shillong, Risaw 29: Kum uwei na ki nongseng iaka Federation of Khasi Jaintia and Garo People (FKJGP) nga pynrem jur iaka jingshah shoh ki riew paidbah haka rally jong ka Seng kaba la pynlong haka 28 tarik mynta u bnai.
Ia kane la ong da u MLA ka Pynthorumkhrah konstitwensi u bah A. L Hek bad ula ong ba ki bor district bad ki pulit ki dei ban leh iaka ba donkam ban pynshitom iaki ba donkti.
Haba kren sha ki lad pathai khubor u bah Hek ula ong kino kino ki seng ki don ka hok ban pynlong jingialang ne ban iaid paidbah hynrei mano mano ruh kim don hok ban shim iaka ain ha kti.
“Nga pynrem jur iaka jingshah shoh ki riew paidbah bad ka jingshah pynjulor ki kali bad ki kali ar shaka bad dei namar kane nga dawa naki bor district bad na ki pulit ban pynshitom iaki ba donkti katkum ki kyndon ka ain” la ong u bah Hek.
U bah Hek ula ong ba ki briew kidei ban sngewthuh ba ka ain ka don bad mano mano ruh kim lah ban shim iaka ain ha kti bad baroh dei ban sngewthuh ba ym lah ban pdiang ia kano kano ka jingshoh briew.
Ha kawei ka liang u MLA ka Pynthorumkhrah u bah A. L Hek u pynrem jur iaki pulit bad iaki bor district da ka ba kynnoh ba ki khlem lah ban tem iaka jingshah shoh ki briew ba iaid ha lynti synkein.
“Haka por ba iaid paidbah ki nonghikai, ki pulit ki kloi ban pyni bor ban siat bomb pynsat khmat hynrei haka por ba ki riew paidbah ki shah shoh ha surok, ki pulit kim don satia ban ai jingiada” la kynnoh u bah Hek.
