Shillong, Naitung 13: U Myntri Rangbah ka jylla Conrad K Sangma hynne ka sngi ula pynrem jur halor ka jingshah kawang maw ka iingsah ka Myntri sorkar kong Ampareen Lyngdoh kaba dei ruh ka MLA ka East Shillong Constituency.
Lah ban kdew ba haka 11 tarik mynta u bnai haka por 7 baje mynniet, uwei u briew ba rah da ka wait, ula ther maw iaka iingsah jong ka jong Ampareen Lyngdoh kaba don ha Laitumkhrah.
U Conrad ula ong ba ka long kaei kaei kaba sngewkhia ban ioh sngew ia kum kine ki jingjia la ka jia iaki Myntri Sorkar ne ki Nongmihkhmat paidbah bad naka liang ka ain ruh kan leh iaka ba donkam pyrshah iaki ba thmu ban pynthut iaka shong suk shong shngain.
“Kum kine ki jingjia kim dei ban jia iano iano ruh, la ka dei pyrshah iaki nongthaw ain ne ki riew paidbah bad kadei ka kamram jong ki bor Pulit bad ki bor district ban leh tyngeh pyrshah ia kumno kine ki briew kiba thmu ban thaw jingkulmar haka imlang sahlang” la ong u Conrad.
U Conrad ula iathuh ba naka liang ka sorkar bad ki bor district kin lum jingialang ban pynthikna ba kum kine ki jingjia kim dei shuh ban jia nangne shakhmat.
Pule lang ia kane: Pynsangeh ka Sorkar ia ki hukum ka DC halor ka khang dukan miet bad Odd/Even Number ki kali kamai
