Shillong, K’lyngkot 04 : Ka Shillong Press Club (SPC) bad ka Meghalaya Editors’ & Publishers Association (MEPA) kiba la iakynduh lang hynne ka sngi Ba-ar kila shim ia ka rai ban pynrem tyngeh ia ka jingpynsaphraing ia ka jingthoh ha ka Social Media da ka VPP Youth Wing ba kan pynlong ia ka Bike Rally ha ka 6 tarik u Rymphang ban pyrshah ia uwei na ki nongsoi ia ka shithi ba dawa panmap ia u President ka VPP Ardent Basaiawmoit halor ka jingkynnoh khlem nongrim pyrshah ia ki artylli ki lad khubor ka Batesi TV bad T7.
U President ka SPC u Bah Deimaia Siangshai bad u Vice president ka MEPA u Rajib Choudhury ha ka kyrwoh khubor kila ong, “U nongsoi ia ka MEPA, u dei u Vice President jong ka seng, u dei u dkhot ba la slem bha ha ka kam thoh khubor bad ula trei ha Meghalaya la palat lai phew snem tam. Kumta ym lah ban khein ia u kum u “mynder”.
Kila ong ruh ba “Ki lad pathai khubor ha Meghalaya ki long kiba ïatylli bad kim ju leh ïa kano kano ka kam ba don jing sngew iapher Jaidbynriew ne bein jaitbynriew hynrei kila iengskhem beit kum ka kynhun kaba ïatylli na ka bynta ban shakri kum u paia ba saw jong ka synshar paidbah ryngkat bad ka jingaiti baroh kaba ki lah ba kin leh”.
“Katei ka dei tang ka jingkren beiñ jaidbynriew ban khot ïa u dkhot ba la kham rangbah jong ka kynhun nongthoh khubor uba la ioh jingithuh na ka Tnad Directorate of Information and Public Relations ka jylla kum u ‘mynder’ haba u dei u nongshong shnong jong ka ri India kum kiwei pat, sa tang lada ka VPP ka kheiñ ïa ki nong India kiba shong basah ha Meghalaya kum ki mynder” kila ong.
Ka SPC bad MEPA kala ong ruh ba ka kynhun ki nongthoh bad nongpathai khubor ka shimkhia ban pynphriang ia ki khubor katkum ka rukom treikam jong ki lad pathai khubor khlem kano kano ka jingtieng ne jingshah liang bad khlem da kyrshan palat ia kano kano ka seng sain pyrthei.
Ka SPC bad ka MEPA ki dei ki kynhun jong ki nongthoh bad ki nongpathai khubor ka jylla kiba kynthup ia ki Khasi, Jaintia, Garo bad kiwei kiwei ki jaidbynriew nong India kiba trei ha kaban pynsaphriang ia ki khubor sha ki paidbah ka jylla bad ha ka ri baroh kawei.
 bad ka Meghalaya Editors’ & Publishers Association (MEPA) kiba la iakynduh lang hynne ka sngi Ba-ar kila shim ia ka rai ban pynrem tyngeh ia ka jingpynsaphraing ia ka jingthoh ha ka Social Media da ka VPP Youth Wing ba kan pynlong ia ka Bike Rally ha ka 6 tarik u Rymphang ban pyrshah ia uwei na ki nongsoi ia ka shithi ba dawa panmap ia u President ka VPP Ardent Basaiawmoit halor ka jingkynnoh khlem nongrim pyrshah ia ki artylli ki lad khubor ka Batesi TV bad T7.){kind=link}