Shillong, Nailur 18 : Ka Shillong Press Club (SPC) kala pynpaw iaka jingbitar bad ka pynrem jur ia ki runar kiba la donkti ha kaban pynjulor ia ka kali jong u dkhot ka SPC ha ka por shiteng synnia kaba la jia ha ka 15 tarik u Nailur ha Mawpat Circle 3.
Watla u trai jong ka kali ula pyrshang ban wad ia kitei ki briew kiba la leh ia katei ka kam dusmon,hynrei ym shym la lap ksai satia, kumta ula leit ujor sha ka Dorbar Shnong Mawpat bad ula ai ejahar ruh ha ki pulit jong ka Nongmynsong Beat House.
Ka Shillong Press Club ka kyntu jur ia ka Dorbar Shnong Mawpat bad ia ki pulit ba kin tohkit mardor, ban lap bad dei ban kem mardor ia kine kiba donkti ha katei ka kam khawpud, khnang ba ki paidbah nongshong shnong kin shngain, la pynpaw u President ka SPC u bah David Laitphlang bad u secretary Bah Powell Sohklet.
