Shillong, Rymphang 25: Ka National People’s Party (NPP) kala pynrem jur ia u Nongialam ka RSS Sunil Deodhar ha ka jingai jingkren ha ka Indigenous Faith Conference ha ka shnong Pynter, East Khasi Hills, ha kaba ka jingkren jongu ka long kum ban wanrah ia ka jingiapait iapra bad ka jingkynthoh kaba khlem nongrim pyrshah ia ka sorkar.
“(Ngi) pynapw ia ka jingsngewkhia kaba jur halor ka jingkren ban wahrah ia ka jingiashun bad jingiapait iapra kaba dang” ong u Nongaiktien ka NPP u Bah HM Shangpliang ha ka kyrwoh hynne ka sngi Balang, da kaba pynaaw “Katei ka jingkren kadei ka bym don satia ia ka jingshisha bad da ka jingthmu ban wanrah ia ka jingiashun bad ka jingiapait ha ka jaidbynriew”.
“Kadei ka jingthmu ban pynmih ne thaw ia ka jingiashrut ne jingiakynad” ong u Bah Shangpliang bad ka bynrap “Ngi kyntu ïa baroh ban kyntait ïa kum kine ki jingkren pynpait pynpra hynrei ban kyntiew ïa ka jingïatylli mlon bad ban ia imsuk imsain lang”.
“Kum ka party kaba kut jingmut ban aiti bad ban kyntiew ïa ka jingiatylli ha ka imlang sahlang bad ngin ïai trei na ka bynta ka jingiatylli bad ban pynthikna ba baroh kin lah ban im lang kum kawei khlem kano kano ka jingtieng ne jingshah pynsheptieng. Ki paidbah ka jylla kidei kiba la bna nam halor ka jingiaishah ka jongki. Ngi ngin ym ailad b akum kitei ki jingkren kan ktah ia ka jingsuk ne ia ka jinglong ba kyrpang ka imlang sahlang ka jong ngi”.
Ka NPP kala kyntu ia ki nongialam ba kin leh da kaba don ia ka jingkitkhlieh bad ka ong, “Ki nongialam ki don ia ka jingkitkhlieh ban kyntiew ia ka jingsuk, jingiai shah, jingsngewthuh bad ka jingiatylli”.
Ula dawa ia ka jingmap bad ka jingkitkhlieh na ka bynta ka jingkren kaba pynjah burom bad kaba khlem nongrim kaba la kren da utei u nongialam”.
 kala pynrem jur ia u Nongialam ka RSS Sunil Deodhar ha ka jingai jingkren ha ka Indigenous Faith Conference ha ka shnong Pynter, East Khasi Hills, ha kaba ka jingkren jongu ka long kum ban wanrah ia ka jingiapait iapra bad ka jingkynthoh kaba khlem nongrim pyrshah ia ka sorkar.){kind=link}