Shillong, Rymphang 25 : Ka North East Students’ Organisation (NESO) kala pynrem jur ia ka jingpyn bthei bomb kaba jia ha ka 23 tarik Rymphang, shapoh ka phyllaw jong ka All Manipur Students’ Union (AMSU) kaba don ha phyllaw ka DM University, Thangmeiband, Imphal.
Ha kane ka jingjia, uwei u samla ba kyrteng u Oinam Kenejy uba dei u samla pule ka DM College ula iap hashen bad uwei pat samlam Michael uba pule hi ha DM College ula mynsaw jur.
Ha ka kyrwoh, u Chairman ka NESO Bah Samuel Jyrwa ula ong ba ka NESO ruh ka pynpaw ia ka jingsngewkhia kaba jur halor ki jingjia kila jia ha ka Jylla kaba kynthup ia ka jingwiang ding ia ka Ophis jong ki Seng ba pawnam kum ka UCM kynthup ka iingskul Macha Leima , ka jingpynjulor ia ki Ophis jong kiwei ki Sengbhalang, ka jingthombor bad pynjulor ia ka Iingsah u Advisor ka NESO Sinam Prakash.
Ula ong ba kum ka seng ki samla pule bala rim, ka AMSU kala ieng ha ka nongrim ban nym iadon bynta ha ki kam sain pyrthei bad kam ju kyrshan ruh ia ki kam iaumsnam ba long ha kano kano ka dur.
“Ha kane ka khep, ka long kaba kongsan ia ki riew paidbah ba kin btin lynti bad ban pynthikna ba ka AMSU kan iai bteng ban long ka seng bym iakhleh kam sain pyrthei bad kaba iakhih ym da ka lynti jong ka jingiaumsnam. Kine ki jingjia kila pynkulmar jingmut bad pynsheptieng ia ki samla bad ki riew paidbah” ong u bah Samuel.
Ula ong ba ka NESO ka wer ban long kiba jai jai khnang ba kiei kiei kin long biang kumba ju long bad ha kajuh ka por, ka dawa jur ia ka Sorkar ba kan shisha shisha ha kaban leh eiei halor ka jinglong jingman, ban pynneh ia ka shongsuk sjongsain bad ban kem ia ki briew kiba donkti.
“Nalor kane, ka Sorkar ka dang dei ban bteng bad ka jingiakren iasuk bad ha kajuh ka por ban shim ia ka sienjam ban pynlong ia ka jingiakren bad kwei pat ki kynhun kiengatiar ban lah pynbeit noh ia kiei kiei baroh bad kaba pdiang da baroh na ka bynta ka jingiada bad kyntiew ia ki trai jylla ka Manipur, ka ban lam sha ka jingsuk ba neh shirta” ong u Chairman ka NESO.
 kala pynrem jur ia ka jingpyn bthei bomb kaba jia ha ka 23 tarik Rymphang, shapoh ka phyllaw jong ka All Manipur Students’ Union (AMSU) kaba don ha phyllaw ka DM University, Thangmeiband, Imphal.){kind=link}